मुंबई : बॉलिवूड आणि हॉलिवूडमधील प्रसिद्ध अभिनेत्री हिने तिच्या सोशल मीडिया हँडलवरून तिच्या नवऱ्याचे निक जोनस याचे आडनाव काढून टाकले आहे. प्रियांकाच्या या कृतीमुळे चाहत्यांमध्ये चिंतेचे वातावरण पसरले आणि सोशल मीडियावर याबाबतची जोरदार चर्चा सुरू झाली. ही चर्चा या दोघांच्या घटस्फोटापर्यंत जाऊन पोहोचली. दरम्यान, प्रियांकाची आई मधु चोप्रा यांनी आपल्या मुलीने केलेल्या या कृती मागचे खरे कारण सांगितले आहे. काय म्हणाल्या मधु चोप्रा प्रियांकाने तिच्या सोशल मीडिया हँडलवरून जोनस हे आडनाव काढून टाकले. यावरून दोघांचा घटस्फोट होत असल्याची चर्चा होऊ लागल्यानंतर मधु चोप्रा यांनी ही बातमी पूर्णपणे चुकीची असल्याचे सांगितले. मधु चोप्रा यांनी एका मुलाखतीमध्ये सांगितले की, 'ही बातमी पूर्णपणे चुकीची आणि निराधार आहे.' तसेच अशा प्रकारच्या खोट्या बातम्या पसरवू नका असे आवाहनही त्यांनी केले. दरम्यान, प्रियांका आणि निक यांनी १ डिसेंबर २०१८ मध्ये लग्न केले. लवकरच या दोघांच्या लग्नाला तीन वर्षे पूर्ण होत आहेत. काही दिवसांपूर्वी प्रियांका आणि निकने एकत्र दिवाळी साजरी केली होती. त्याचे फोटोही त्यांनी सोशल मीडियावर शेअर केले होते. प्रियांकाने जरी तिच्या सोशल मीडिया हँडलवरून जोनस हे आडनाव काढून टाकले असले तरी हे दोघेजण इन्स्टाग्रामवर एकमेकांना फॉलो करत आहेत. प्रियांकाच्या कामाबद्दल सांगायचे तर 'द व्हाईट टायगर' या सिनेमात तिने काम केले होते. त्यानंतर प्रियांकाने हॉलिवूडमधील 'सिटाडेल', 'टेक्स फॉर यू' आणि 'मॅट्रिक्स ४' या सिनेमांत दिसणार आहे. तर बॉलिवूडमधील 'जी ले जरा ' या सिनेमात आलिया भट्ट आणि कतरीना कैफ यांच्यासोबत प्रियांका काम करणार आहे.
from Marathi Bollywood News, Marathi Cinema News https://ift.tt/3r07OpJ
