मुंबई- छोट्या पडद्यावर प्रचंड गाजणारी मालिका '' ने फार कमी वेळात प्रेक्षकांची मनं जिंकली. मालिकेचं कथानक प्रेक्षकांच्या पसंतीस उतरलं होतं. मात्र मालिकेत दाखवण्यात आलेल्या ट्विस्टमुळे प्रेक्षकांनी मालिकेकडे पाठ फिरवली. मालिकेत मोहित आणि स्वीटू यांचं लग्न दाखवण्यात आल्याने प्रेक्षकांनी संताप व्यक्त केला. आता मात्र प्रेक्षक पुन्हा एकदा आनंदले आहेत. कारण मोहित आणि स्वीटू यांचा लवकरच घटस्फोट होणार आहे. मोहित आणि स्वीटू लग्नानंतरही खानविलकरांच्या घरात राहत होते. परंतु, मालविकाने मोहित आणि स्वीटूला त्याच्या घरी जाण्यास भाग पाडलं. आता स्वीटूचा खऱ्या अर्थाने सासुरवास सुरू झाला. मोहीत आणि त्याची आई मिळून स्वीटूचा छळ करत आहेत. लवकरच ही गोष्ट ओमसमोर येणार आहे. त्यानंतर ठोस पाऊल उचलत ओम स्वीटूला त्याच्यासोबत घेऊन जाणार आहे. सोबतच मोहीत आणि स्वीटू यांचा घटस्फोटही होणार आहे. मालिकेत आलेला हा ट्विस्ट पाहून प्रेक्षक आनंदले आहेत. लवकरात लवकर ओम आणि स्वीटू यांचं लग्न व्हावं अशी प्रेक्षकांची इच्छा आहे. आता ओम स्वीटूची बाजू घेत संपूर्ण कुटुंबासोबत आणि समाजासोबत लढताना दिसणार आहे. अखेर ओम आणि स्वीटू यांचं प्रेम जिंकणार का, त्यांचं लग्न होणार का की मालविका पुन्हा काही गोंधळ घालून त्यांना अडचणीत आणणार हे पाहणं महत्वाचं ठरेल. परंतु, मालिकेत येणाऱ्या नव्या ट्विस्टने प्रेक्षक सुखावले आहेत हे मात्र नक्की.
from Marathi Bollywood News, Marathi Cinema News https://ift.tt/30sjZR4
