मुंबई- बॉलिवूडसोबत हॉलीवूडमध्येही आपल्या अभिनयाचा झेंडा रोवणारी लोकप्रिय अभिनेत्री सध्या सोशल मीडियावर चर्चेत आहे. प्रियांकाने २०१८ साली हॉलिवूड अभिनेता आणि गायक सोबत विवाह केला. त्यानंतर प्रियांका बहुतांश वेळ परदेशात असते. मात्र परदेशात असूनही ती भारतीय संस्कृती मुळीच विसरलेली नाही. प्रियांका परदेशातही प्रत्येक सण अत्यंत उत्साहात साजरी करताना दिसते. ही दिवाळी देखील प्रियांका उत्साहात साजरी करत आहे. प्रियांका आणि निकचे लक्ष्मीपूजनाचे काही फोटो सोशल मीडियावर प्रचंड वायरल झाले आहेत. प्रियांकाने काही फोटो चाहत्यांसोबत शेअर केले आहेत. या फोटोंमध्ये निक आणि प्रियांका लक्ष्मीपूजन करताना दिसतायत. त्या दोघांनीही पारंपरिक कपडे परिधान केले असून ते एकत्र पूजा करत आहेत. प्रियांकाने पिवळ्या रंगाची साडी नेसली आहे तर निकने पांढऱ्या रंगाचा कुरता पायजमा घातला आहे. त्यांच्यासमोर पूजेचं सामान ठेवलं आहे. दिवे ठेवले आहेत. निक आणि प्रियांका एकत्र आरती करताना दिसतायत. हे फोटो शेअर करत प्रियांकाने 'या देवी सर्वभूतेषु लक्ष्मी रूपेण संस्थिता, नमस्तस्यै नमस्तस्यै नमस्तस्यै नमो नमः' कॅप्शन दिलं आहे. सोबतच चाहत्यांना दिवाळीच्या शुभेच्छा दिल्या आहेत. प्रियांकाचे हे फोटो पाहून चाहते तिचं कौतुक करत आहेत. परदेशातही भारतीय संस्कृती जपल्याबद्दल चाहते प्रियांकाचं कौतुक करत आहेत. प्रियांकाच्या फोटोवर चाहत्यांनी लाइक आणि कमेंटचा वर्षाव केला आहे. प्रियांका लवकरच फरहान अख्तरच्या 'जी ले जरा' या चित्रपटात झळकणार आहे. त्याशिवाय प्रियांका माँ शीला आनंद यांच्या बायोपिकमधेही काम करणार आहे.
from Marathi Bollywood News, Marathi Cinema News https://ift.tt/3CQoZwO