मुंबई- बॉलिवूड अभिनेता याचा मुलगा याला २ ऑक्टोबर रोजी एनसीबीने अटक केली. त्यानंतर आर्यन कायम सोशल मीडियावर चर्चेत राहिला. अमली पदार्थांचं सेवन केल्याप्रकरणी अटक झाल्यानंतर आर्यनला अनेक रात्री मध्यवर्ती कारागृहात काढाव्या लागल्या. आर्यनला जामीन मंजूर झाला असला तरीही त्याच्यावरचे आरोप अजूनही कायम आहेत. आर्यनला सतत एनसीबी कार्यालयात खेटे घालावे लागत आहेत. तर दुसरीकडे शाहरुख त्याच्या कामावर परतण्याचा विचार करत आहे. त्यामुळे मुलाच्या सुरक्षेचा मोठा प्रश्न शाहरुखसमोर उभा आहे. त्यावर तोडगा म्हणून शाहरुखने मुलाच्या सुरक्षेसाठी एक महत्वाचा निर्णय घेतला आहे. तुरुंगातून आल्यापासून आर्यन मानसिक आणि भावनिकरीत्या थकला आहे. त्यामुळे शाहरुखने त्याला इतर लोकांपासून दूर ठेवलं आहे. शाहरुखने त्याचा वाढदिवसही थाटामाटात साजरा न करण्याचा निर्णय घेतला आहे. अशात शाहरुख लवकरच चित्रपटाच्या चित्रीकरणासाठी परतणार आहे. त्यामुळे मुलाच्या सुरक्षेसाठी शाहरुखने त्याच्या बॉडीगार्डची नेमणूक आर्यनचा बॉडीगार्ड म्हणून केली आहे. शाहरुखचा बॉडीगार्ड रवी त्याच्यासोबत गेली अनेक वर्ष आहे. रवीने आजवर शाहरुखची सुरक्षा केली. आर्यन जेव्हा जेव्हा एनसीबी कार्यालयात गेला आहे तेव्हा रवी त्याच्यासोबतही सावलीप्रमाणे राहिला आहे. याच विश्वासामुळे शाहरुखने त्याची नेमणूक आर्यनचा बॉडीगार्ड म्हणून केली आहे. शाहरुख स्वतःसाठी दुसऱ्या बॉडीगार्डची नेमणूक करणार आहे. लवकरच शाहरुख 'पठाण' चित्रपटाच्या चित्रीकरणासाठी परतणार आहे. या चित्रपटात शाहरुखसोबत दीपिका पादुकोण आणि जॉन अब्राहम मुख्य भूमिकेत आहेत.
from Marathi Bollywood News, Marathi Cinema News https://ift.tt/3nc2nl3
