मुंबई- छोट्या पडद्यावरील लोकप्रिय कार्यक्रम '' ने गेली अनेक वर्ष प्रेक्षकांच्या मनावर राज्य केलं. मालिकेतील प्रत्येक पात्र प्रेक्षकांना त्यांच्या घरातील सदस्यांप्रमाणे भासलं. गेली दहा वर्ष प्रेक्षकांचं मनोरंजन करत असलेल्या या मालिकेतील प्रत्येक कलाकार प्रेक्षकांसोबत जोडला गेला. या मालिकेतील प्रत्येक पात्र इतर पात्रांप्रमाणेच महत्वाचं आहे. मात्र मालिकेत महत्वाची भूमिका साकारणारे अभिनेते म्हणजेच सगळ्यांचे लाडके यांनी ऑक्टोबर महिन्यात या जगाचा निरोप घेतला. आता मालिकेत नवे नट्टू काका दिसणार असल्याच्या चर्चा सोशल मीडियावर रंगल्या आहेत. मालिकेत जेठालाल- दयाबेन, जेठालाल- बाबूजी , भिडे मास्तर याप्रमाणे नट्टू काकांचं पात्र देखील अत्यंत महत्वपूर्ण होतं. जेठालाल आणि नट्टू काका यांची आंबट- गोड नोकझोक पाहायला प्रेक्षकांना गंमत वाटे. आपल्या मालकाप्रती पूर्ण समर्पण असलेले नट्टू काका जेठालालसाठी काहीही करायला तयार होत. मालक नसल्यावर ते संपूर्ण दुकानाची काळजी घेत. ग्राहकांना सांभाळत. घनश्याम यांनी हे पात्र अत्यंत सुंदररीत्या साकारलं होतं. मात्र घनश्याम यांचं निधन झाल्यानंतर आता नट्टू काकांची भूमिका कोण साकारणार, असा प्रश्न चाहत्यांना पडला होता. सध्या सोशल मीडियावर एक फोटो व्हायरल होत आहे. ज्यात फोटोत दिसणारा व्यक्ती यापुढे नट्टू काकांची भूमिका साकारणार असल्याचं म्हटलं जातंय. फोटोत दिसणारी व्यक्ती कोण आहे? खरंच ते नट्टू काकांची भूमिका साकारणार का? हे प्रश्न अजूनही अनुत्तरित आहेत. कारण निर्मात्यांकडून या बातमीवर कोणतंही शिक्कामोर्तब झालेलं नाही. निर्मात्यांनी या बाबतीत कोणतीही माहिती दिलेली नाही. त्यामुळे खरंच फोटो दिसणारे व्यक्ती नट्टू काकांच्या भूमिकेत दिसणार का, हे प्रेक्षकांना येत्या भागांमध्ये कळेल.
from Marathi Bollywood News, Marathi Cinema News https://ift.tt/3wmI8El
