मुंबई- बॉलिवूडची प्रसिद्ध अभिनेत्री आणि तिचा पती जीन गुडइनफ यांनी नुकतीच सोशल मीडियावर एक गोड बातमी दिली. त्यांच्या या बातमीने प्रितीचे चाहते प्रचंड आनंदीत झाले आहेत. प्रिती वयाच्या ४६ व्या वर्षी जुळ्या मुलांची आई झाली आहे. तिने स्वत: ट्विटरच्या माध्यमातून ही गोड बातमी चाहत्यांना दिली. विशेष म्हणजे प्रितीला एक मुलगा आणि एक मुलगी झाली. ज्यांचे नावही प्रितीने तिच्या पोस्टमध्ये नमूद केले. प्रितीने ही बातमी सोशल मीडियावर शेअर करताच तिच्यावर अभिनंदनाचा वर्षाव सुरू झाला आहे. सरोगसीच्या मदतीने झाली आई! प्रितीने तिच्या ट्विटर अकाउंटवर पती जीनसोबतचा एक फोटो शेअर केला. या पोस्टमध्ये त्यांनी जुळ्या मुलांशी संबंधित गोड बातमी दिली. जुळ्या मुलांमध्ये एक मुलगा आणि एक मुलगी आहेत, ज्यांची नावं प्रितीने जय आणि जिया अशी ठेवली आहेत. मीडिया रिपोर्टनुसार, वयाच्या ४६ व्या वर्षी प्रिती झिंटा सरोगसीच्या मदतीने आई झाली. प्रितीने मात्र तिच्या पोस्टमध्ये याबाबत कोणतीही माहिती दिलेली नाही. व्हायरल होत असलेली प्रितीची पोस्ट पाहा - शेअर केली गुडन्यूज पोस्ट शेअर करताना प्रितीने कॅप्शनमध्ये लिहिले- 'सर्वांना नमस्कार, मला तुमच्या सर्वांसोबत एक चांगली बातमी शेअर करायची आहे. जीन आणि मी खूप आनंदी आहोत आणि आज आम्ही आमच्या कुटुंबात जय झिंटा गुडनफ आणि जिया झिंटा गुडनफ या जुळ्या मुलांचे स्वागत करत आहोत. आमचं अंतःकरण कृतज्ञतेने भरलं आहे.
from Marathi Bollywood News, Marathi Cinema News https://ift.tt/3qKbnjL
