मुंबई- फार कमी काळात प्रेक्षकांच्या मनाचा ठाव घेणारी मालिका '' सध्या प्रचंड चर्चेत आहे. मालिकेतील प्रत्येक पात्र प्रेक्षकांच्या पसंतीस उतरतंय. यश आणि नेहा यांची जोडी तर प्रेक्षकांची प्रचंड आवडती आहे. त्यासोबतच मालिकेत नेहाची मैत्रीण म्हणून दिसणारी शेफाली म्हणजेच अभिनेत्री हिची देखील सोशल मीडियावर चर्चा आहे. शेफाली हे पात्र प्रेक्षकांना पसंत पडत आहे. नुकत्याच पार पडलेल्या झी मराठी पुरस्कार सोहळ्यात काजल हीचा सर्वोत्कृष्ट विनोदी व्यक्तिरेखेसाठी पुरस्कार देऊन गौरव करण्यात आला. काजल हे तिचं मोठं यश मानते. मात्र काजलला मिळालेलं हे पाहायला तिचे आई- वडील हयात नाहीत. एका पोस्टमधून काजलने ही खंत बोलून दाखवली आहे. एप्रिल २०२१ मध्ये काजलच्या आई- वडिलांचं करोनाने निधन झालं. तिच्यावर दुःखाचा डोंगर कोसळला. मात्र आई- वडिलांचं स्वप्न पूर्ण करण्यासाठी काजल सतत मेहनत घेत होती. काजलने दुःख व्यक्त करत तिच्या पोस्टमध्ये लिहिलं, 'आई बाबा एप्रिल २०२१ मध्ये कोरोनाच्या भयंकर लाटेत मला व माझ्या बहीणीला एका क्षणात सोडून गेले आणि आमच्या आयुष्यात कायमची शांतता पसरली. मग झी मराठीचं हे प्रोजेक्ट मला मिळालं. हे मिळवणं इतकं सोप्पं नव्हतं. ऑडिशन दिली, परत परत ऑडिशन देऊन इतक्या सगळ्या दिगज्जांबरोबर काम करण्याची संधी मला मिळाली. हे सगळं घडलं आई बाबांच्या आशिर्वादामुळे. फोन आला त्या वेळी मला काहीच कल्पना नव्हती की मी कोणाबरोबर काम करणार आहे. पण सेटवर पहिलाच दिवस आणि समोर श्रेयस तळपदे सर, प्रार्थना बेहेरे, संकर्षण कऱ्हाडे आणि मोहन जोशी सर होते.' पुढे काजलने लिहिलं, 'बरं मग कळलं की आता आपली खरी परिक्षा सुरू झालीये पण ह्या सगळ्यांनी मला कधीच जाणवू दिलं नाही की मी त्यांच्या समोर नवीन आहे किंवा लहान आहे. खुप सांभाळून घेतलं मला. या पुरस्काराचं श्रेय जेवढं माझ्या आई बाबांना जातं तेवढंच माझ्या सगळ्या सहकलाकारांना देखील जातं. मी माझ्या कुटुंबियांच्या आणि मित्रमैत्रिणींच्या अपेक्षा पूर्ण करू शकेन अशी आशा करते. प्रेक्षकांना नवनवीन गोष्टी देण्याचा मी माझ्या परीने पूर्ण प्रयत्न करेन.' या पोस्टमधून काजलने तिचा पुरस्कार आई- वडिलांना आणि इतर कुटुंबियांना समर्पित केला आहे.
from Marathi Bollywood News, Marathi Cinema News https://ift.tt/2ZMYYzS
