मुंबई- दाक्षिणात्य अभिनेत्री सध्या सोशल मीडियावर चर्चेत आहे. रचिता तिच्या आगामी चित्रपटासाठी नाही तर तिने केलेल्या एका वक्तव्यामुळे नेटकऱ्यांमध्ये चर्चेत आहे. रचिताचा '' हा चित्रपट लवकरच प्रेक्षकांच्या भेटीला येणार आहे. या चित्रपटात रचिताने अनेक बोल्ड सीन दिले आहेत. नुकतीच या चित्रपटाच्या प्रमोशनसाठी एक पत्रकार परिषद आयोजित करण्यात आली होती. यादरम्यान एका पत्रकाराने रचिताला बोल्ड सीनबद्दल प्रश्न विचारला. मात्र या प्रश्नांवर रचिताने दिलेलं उत्तर नेटकऱ्यांच्या चर्चेचा विषय बनलं आहे. रचिताला पत्रकाराने बोल्ड सीनबद्दल विचारत म्हटलं, 'चित्रपटात इतके बोल्ड सीन का दिले? हे कसे चित्रित केले? तुम्हाला ते चित्रित करताना काय वाटलं?' त्यावर रचिताने उत्तर देत म्हंटलं, 'मी केलेले सीन कथेच्या पूर्ततेसाठी होते. ते मी का केले हे तुम्हाला चित्रपट पाहिल्यावर कळेल.' पुन्हा पत्रकाराने त्यावरच प्रश्न विचारत म्हटलं, 'लग्नाच्या पहिल्या रात्री तुम्ही काय केलं?' वारंवार एकाच विषयावर प्रश्न विचारल्याने रचिता म्हणाली, 'इथे बसलेल्या बहुतेकांची लग्न झाली आहेत. मला तुम्हाला विचारायचं आहे की तुम्ही लग्नाच्या पहिल्या रात्री काय केलं? लोक काय करतात लग्नाच्या पहिल्या रात्री? रोमान्स करतात ना? आम्ही पण तेच केलं.' रचिताच्या या वक्तव्यावर अनेकांनी नाराजी व्यक्त केली तर अनेकांनी तिची बाजू उचलून धरली. परंतु, कर्नाटक चेम्बर ऑफ कॉमर्स च्या सदस्यांनी रचिताच्या वक्तव्याचा त्रीव्र निषेध केला आहे. रचिताने माफी मागितली नाही तर तिचा चित्रपट कन्नड भाषेत प्रदर्शित होऊ देणार नसल्याचं त्यांनी म्हटलं. आतापर्यंत कोणत्याही दाक्षिणात्य अभिनेत्रीने असं बेजबाबदार वक्तव्य केलेलं नाही त्यामुळे रचिताने माफी मागावी असं या सदस्यांचं म्हणणं आहे.
from Marathi Bollywood News, Marathi Cinema News https://ift.tt/3ooY5q1
