मुंबई- लहानपण देगा देवा, मुंगी साखरेचा रवा असं म्हटलं जातं. कारण लहानपणी आपल्याला कुठल्याच गोष्टीची चिंता नसते. दिवसभर खेळायचं आणि येऊन आईच्या कुशीत झोपायचं हा अनेक मुलांचा नित्याचा क्रम असतो. आई- वडिलांचं प्रेम, आजी- आजोबा, काका- काकू, मामा- मामी, आत्या सगळ्यांचे खूप लाड आणि भरपूर मजा असं बालपण अनेकांनी अनुभवलं असेल. हट्ट केल्यावर आईचे धपाटेदेखील खाल्ले असतील. मोठे झाल्यावर प्रत्येकालाच पुन्हा लहान व्हावंसं वाटतं. आपापल्या बालपणी आपण सगळेच क्युट दिसत असतो. अनेकदा प्रेक्षकांना प्रश्न पडतो की हे कलाकार त्यांच्या लहानपणी कसे दिसत असतील? आपले आवडते कलाकारही त्यांच्या बालपणी असेच सुपरक्युट दिसत होते. अशाच काही कलाकारांचे गोड फोटो आम्ही तुमच्यासाठी घेऊन आलो आहोत. फोटोत गोंडस दिसणाऱ्या या कलाकरांची तुम्हाला ओळख पटतेय का पहा बरं. १. केतकी माटेगावकर कपाळावर गंध, कानात डूल आणि चेहऱ्यावर निरागस हसू असणारी ही अभिनेत्री आहे 'टाइमपास' मधील आपली लाडकी प्राजू म्हणजेच केतकी माटेगावकर. २. आपल्या अभिनयाने आणि बोल्ड अदांनी प्रेक्षकांना घायाळ करणारी अभिनेत्री सई ताम्हणकर बालपणापासूनच धाकड होती. फोटोतील निरागस दिसणाऱ्या सईच्या चेहऱ्याने आज कित्येक चाहत्यांची मनं जिंकली आहेत. ३. आदिनाथ कोठारे फोटो होळीच्या रंगात रंगून आलेला हा अभिनेता आहे महेश कोठारे यांचा सुपुत्र आणि अभिनेता आदिनाथ कोठारे. ४. फोटोत दिसणारी ही गुबगुबीत मुलगी आज अप्सरा बनून संपूर्ण मराठी चित्रपटसृष्टीवर राज्य करतेय. शाळेच्या गणवेशात काढलेला सोनालीचा फोटो पाहून प्रेक्षकांना पुन्हा एकदा तिची भुरळ पडली आहे. ५. मराठी चित्रपटसृष्टीचा 'फास्टर फेणे' म्हणून ओळखला जाणारा अभिनेता अमेय वाघ बालपणी अगदीच निरागस दिसत आहे. ६. वैदेही परशुरामी मराठीसोबत बॉलिवूडमध्ये वेगळी ओळख निर्माण करणारी ही अभिनेत्री आज प्रेक्षकांची अत्यंत लाडकी आहे. ही अभिनेत्री दुसरी तिसरी कुणी नसून वैदेही परशुरामी आहे. ७. आपल्या भेदक नजरेने प्रश्न विचारत प्रेक्षकांची मनं जिंकणारा हा अभिनेता आज मराठी प्रेक्षकांचा लाडका बच्चू बनला आहे. हा फोटो आहे आपल्या लाडक्या स्वप्नील जोशीचा.
from Marathi Bollywood News, Marathi Cinema News https://ift.tt/3ncfHpC
