नवी दिल्ली: भारतात ऑनलाइन गेमिंग सुरक्षित नाही. हे पुन्हा एकदा स्पष्ट झाले आहे. अहवालानुसार, प्रत्येक ५ पैकी ४ भारतीय ऑनलाइन गेमिंग दरम्यान सायबर फसवणुकीला बळी पडतात. त्यामुळे त्यांचे मोठे आर्थिक नुकसान देखील होत आहे. ऑनलाइन गेमिंग दरम्यान प्रत्येक भारतीयाचे सरासरी ७,८९४ रुपयांचे नुकसान होत असून गेल्या तीन तिमाहीत गेमर्सवर केलेल्या सर्वेक्षणानुसार, सुमारे ७५ टक्के भारतीय सायबरशी संलग्न आहेत. हे सर्व अटॅक गेमिंग अकाउंटवरून करण्यात आले आहेत. विशेष म्हणजे ३५ टक्के डिव्हाइसेसना ऑनलाइन गेमिंग दरम्यान अनधिकृत प्रवेशाचा सामना करावा लागला आहे. वाचा: ८१ % लोक सायबर फसवणुकीचे बळी ऑनलाइन गेमिंग दरम्यान सायबर अटॅक झालेल्या गेमर्सची संख्या सुमारे ८१ टक्के आहे. म्हणजेच, ऑनलाइन गेमिंग दरम्यान प्रत्येक ५ पैकी ४ भारतीयांना सायबर हल्ल्याचा सामना करावा लागला आहे, ज्यामुळे त्यांना सरासरी ७,८९४ रुपयांचे नुकसान झाले आहे. नॉर्टन लाईफ लॉक या सायबर सुरक्षा कंपनीने हा खुलासा केला आहे. सर्वेक्षण अहवालातील महत्त्वाचे मुद्दे ऑनलाइन गेमिंग दरम्यान गेमरकडून छुपे शुल्क आकारले जाते आणि इन-गेमिंग चलन, वर्ण आणि इतर आयटममध्ये प्रवेश केला जातो तेव्हा सायबर फसवणुकीच्या घटना घडतात. सर्वेक्षण अहवालानुसार, प्रत्येक ५ पैकी २ युजर्स गेम खेळण्यासाठी वैयक्तिक सुरक्षेशी तडजोड करतात. त्यामुळे गेम डाउनलोड करताना मालवेअर त्यांच्या डिव्हाइसवर येतो, ज्यामुळे बॅकिंग फ्रॉडसारख्या घटना घडतात. १० पैकी ६ लोकांनी, सुमारे ६२ टक्के, Covid-19 महामारी दरम्यान गेमिंग सुरू केले. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/30rI7Uf
