मुंबई : छोट्या पडद्यावरील लोकप्रिय अभिनेत्री हिने एका गोड मुलाला जन्म दिला. खुशबूने सोशल मीडियावर पोस्ट शेअर करत चाहत्यांना ही आनंदाची बातमी दिली. खुशबूने आपल्या मुलाच्या जन्माची बातमी देताना त्याचे नावही चाहत्यांना सांगितले आहे. काय आहे खुशबूच्या मुलाचे नाव खुशबू तावडेने २ नोव्हेंबर २०२१ रोजी गोंडस बाळाला जन्म दिला. पण ही गोड बातमी तिने बालदिनाचे औचित्य साधत चाहत्यांसोबत शेअर केली. खुशबूने तिच्या सोशल मीडिया अकाउंटवरून बाळाच्या हाताचा फोटो शेअर केला. हा फोटो शेअर करत तिने बाळाचे नावही चाहत्यांसोबत शेअर केले आहे. तिने लिहिले आहे की,'राघव २/११/२०२१ खूप खूप धन्यवाद आम्हाला तू निवडल्याबद्दल.' खुशबू आणि यांनी ५ मार्च २०१८ मध्ये एकमेकांना जोडीदार म्हणून निवडत लग्नगाठ बांधली. हे दोघेही अभिनयाच्या क्षेत्रामध्ये कार्यरत असून त्यांचा स्वतःचा असा चाहता वर्ग आहे. संग्राम साळवी 'देवयानी' या मालिकेमुळे घराघरात लोकप्रिय झाला. या मालिकेतील 'तुमच्यासाठी काय पन' हा डायलॉग खूपच लोकप्रिय झाला होता. खुशबूनेदेखील मराठी बरोबरच अनेक हिंदी मालिकांमध्ये काम केले आहे. 'प्यार की एक कहानी', 'तेरे लिये', 'मेरे साई', 'तारक मेहता का उल्टा चष्मा' या हिंदी तर 'आम्ही दोघी', 'भेटशील तू नव्याने', 'पारिजात', 'देवयानी' यांसारख्या अनेक मराठी मालिकांमध्ये काम केले आहे. अभिनयाबरोबरच संग्राम साळवीचा स्वतःचा 'साई वॉक कॅफे' आहे.
from Marathi Bollywood News, Marathi Cinema News https://ift.tt/3HtyuEY
