मुंबई- बॉलिवूडचा किंग खान असलेला याचा आज २ नोव्हेंबर रोजी वाढदिवस आहे. शाहरुख त्याचा वाढदिवस अत्यंत धुमधडाक्यात साजरा करणार आहे. हा शाहरुखचा ५६ वा वाढदिवस असून या खास दिनानिमित्त बंगल्याला सुंदर अशी रोषणाई करण्यात आली आहे. मन्नत बंगल्याची रोषणाई पाहून चाहत्यांचेही डोळे दिपले आहेत. गेला महिनाभर आपल्या मुलासाठी चिंतेत असणारा शाहरुख आता मात्र प्रचंड आनंदात आहे. चाहत्यांच्या म्हणण्यानुसार यापूर्वी कधीही मन्नतला इतकी सजावट केली गेली नव्हती. शाहरुखच्या आनंदाचं दुसरं कारण म्हणजे आर्यन खानचं तुरुंगातून बाहेर येणं आहे. वाढदिवस आणि मुलाची सुटका असा दुहेरी आनंद शाहरुख साजरा करत आहे. शाहरुखला शुभेच्छा देण्यासाठी मन्नत बाहेर चाहत्यांची प्रचंड गर्दी दिसून आली. प्रत्येक वर्षी चाहते शाहरुखला वाढदिवसाच्या शुभेच्छा देण्यासाठी मन्नत बाहेत तासनतास उभे राहतात. शाहरुखही बाहेर येऊन चाहत्यांना अभिवादन करून त्यांच्या शुभेच्छा स्वीकारतो. याही वर्षी चाहत्यांनी मन्नतबाहेर हजेरी लावली आहे. चाहत्यांची गर्दी आवरण्यासाठी पोलिसांना देखील तैनात करण्यात आलं आहे. मिळालेल्या माहितीनुसार, यावर्षी शाहरुख त्याचा वाढदिवस हटके पद्धतीने साजरा करणार आहे. परंतु, शाहरुखने इतर कलाकरांना वाढदिवसासाठी मन्नतवर येण्यास मनाई केली आहे. आर्यनला वेळ मिळावा म्हणून त्याने हा निर्णय घेतलाय. सोबतच शाहरुख त्याचा वाढदिवस मन्नतवर साजरा करणार आहे की अलिबाग येथील फार्म हाऊसवर साजरा करणार हे अद्याप स्पष्ट झालेलं नाही. परंतु, आर्यनच्या सुटकेमुळे त्याच्या आनंदाला पारावर उरलेला नाही हे मात्र नक्की.
from Marathi Bollywood News, Marathi Cinema News https://ift.tt/3GI3eBR
