मुंबई : मराठी बिग बॉस कार्यक्रमाच्या तिस-या पर्वाचा ग्रँड फिनालेची सोशल मीडियावर जोरदार चर्चा आहे. बिग बॉसच्या या पर्वाचा विजेता कोण होणार याची उत्सुकता शिगेला पोहोचली आहे. अंतीम फेरीत पोहोचलेले स्पर्धक विशाल निकम, जय दुधाणे, विकास पाटील, उत्कर्ष शिंदे आणि मीनल शाह हे आहेत. यांच्यापैकी कोण विजेता होणार यावरून चर्च होत आहेत. बिग बॉस मराठीच्या तिस-या पर्वामध्ये असेही काही कलाकार सहभागी झाले होते,त्यांच्याकडून चाहत्यांना, प्रेक्षकांना मोठ्या अपेक्षा होत्या. परंतु हे स्पर्धक या पर्वात त्यांची चमक दाखवू शकलेले नाहीत. त्यामुळे त्यांना घरातून बाहेर जावे लागले. त्यांच्या एलिमनेट होण्यामुळे त्यांच्या चाहत्यांची मात्र घोर निराशा झाली. अशा स्पर्धकांमध्ये ते वाईल्ड कार्डने एंट्री केलेली हिचा हीसमावेश आहे. आविष्कार दारव्हेकर मालिका विश्वामध्ये लोकप्रिय असलेला अभिनेता आविष्कार दारव्हेकर याने बिग बॉसच्या घरात स्पर्धक म्हणून प्रवेश केला. तेव्हा प्रेक्षकांना त्याच्याकडून खूप अपेक्षा होत्या. मालिकांमदून प्रेक्षकांचे मनोरंजन करणारा हा अभिनेता बिग बॉसमधूनही प्रेक्षकांचे मनोरंजन करेल अशी सर्वांना खात्री होती. परंतु प्रेक्षकांचे मनोरंजन करण्यात अयशस्वी ठरलेल्या आविष्कारला अवघ्या ५० दिवसांच्या आतच घराबाहेर जावे लागले. त्यामुळे त्याच्या चाहत्यांची घोर निराशा झाली. लोकप्रिय अभिनेत्री आणि उत्तम नृत्यांगना म्हणून सुरेखा कुडची यांनी आतापर्यंत प्रेक्षकांनेच निखळ मनोरंजन केले होते. जेव्हा सुरेखा यांनी बिग बॉसच्या घरात प्रवेश केला तेव्हा त्यांनी या घरातून १०० दिवस पूर्ण करूनच बाहेर येईन, असा विश्वास व्यक्त केला होता. परंतु घरामध्ये सुरेखा यांची सतत होणारी भांडणे आणि त्यांचा टास्कमधील परफॉर्मन्स हा प्रेक्षकांचे मनोरंजन करू शकला नाही. त्यामुळे सुरेखा यांना घराबाहेर जावे लागले. शिवलीला पाटील प्रसिद्ध कीर्तनकार म्हणून शिवलीला पाटील ओळखली जाते. तिचा स्वतःचा असा चाहता वर्ग आहे. जेव्हा शिवलीला पाटीलने बिग बॉसच्या घरात स्पर्धक म्हणून प्रवेश केला तेव्हा तिच्या चाहत्यांना मोठा धक्का बसला होता. शिवलीलाने घरात प्रवेश केल्यानंतर स्वतःचे वेगळे स्थान निर्माण करण्याचा प्रयत्न केला. काही प्रमाणात तो यशस्वी ही ठरला. परंतु प्रकृती बिघडल्याने तिला घराबाहेर जावे लागले. मराठीमधील प्रसिद्ध अभिनेता म्हणून अक्षय वाघमारे याने स्वतःची ओळख निर्माण केली आहे. अक्षय जेव्हा स्पर्धक म्हणून घरात आला तेव्हा त्याच्याकडून प्रेक्षकांना खूप अपेक्षा होत्या. परंतु मुळातच मितभाषी असलेल्या अक्षयला प्रेक्षकांच्या अपेक्षा पूर्ण करणे जमले नाही. त्यामुळेच कमी मते मिळाल्याने घरातून बाहेर पडणारा तो पहिला स्पर्धक ठरला निथा शेट्टी बिग बॉसच्या तिस-या पर्वामध्ये अभिनेत्री निथा शेट्टी हिची दुसरी वाईल्ड कार्ड एंट्री होती. परंतु वाईल्ड कार्डाद्वारे प्रवेश केलेली निथा असो वा आदेश हे दोघेहीजण च्या घरात फार काळ टिकू शकले नाहीत.
from Marathi Bollywood News, Marathi Cinema News https://ift.tt/3Hc8ZY2
