मुंबई : बिग बॉस मराठीच्या तिस-या पर्वाची आज सांगता होत आहे. रविवारी या कार्यक्रमाचा ग्रँड फिनाले होत आहे. या स्पर्धेच्या विजेतेपदावर कोणत्या स्पर्धकाचे नाव कोरले जाते याकडे सर्वांचे लक्ष लागले आहे. दरम्यान, स्पर्धेच्या शेवटच्या फेरीत पोहोचलेल्या जय दुधाणे, डॉ. उत्कर्ष शिंदे, विकास पाटील, विशाल निकम आणि मीनल शाह यांनी कठोर मेहनत केली आहे. कार्यक्रमात झालेल्या टास्क हे जीवाची बाजी लावून खेळले आहेत. हे टास्क खेळताना सहभागी झालेल्या सर्व स्पर्धकांमध्ये पराकोटीचे वाद, भांडणेही झाली आहेत. त्यांच्या एकूणच वागण्याबद्दल कार्यक्रमाचे सूत्रसंचालक महेश मांजरेकर यांनी वेळोवेळी त्यांची कानउघडणी देखील केली आहे. मीरा आणि गायत्रीने खाल्ला सर्वाधिक ओरडा कार्यक्रमाच्या सुरुवातीला जेव्हा जेव्हा टास्कमध्ये टोकाची भांडणे झाली तेव्हा त्यामध्ये गायत्री आणि मीरा भांडणामध्ये आघाडीवर असायच्या. बाईकवर बसण्याच्या टास्कवेळी तर सुरेखा कुडची आणि सोनाली पाटील यांना त्यांच्या प्रतिस्पर्धी असलेल्या मीरा आणि गायत्रीने चक्क मिरचीची धुरी दिली होती. इतकेच नाही तर याच टास्कमध्ये गायत्रीने विशालच्या चेह-यावर डिओ स्प्रे केला होता. या दोघींच्या या वागणुकीवर बिग बॉसच्या चावडीवर महेश मांजरेकर यांनी तीव्र नाराजी व्यक्त केली. इतकेच नाही तर या दोघींना खडे बोलही सुनावले होते. तुम्ही दोघींजणी स्वतःला फार ग्रेट समजता परंतु बिग बॉसच्या घरात टास्क खेळताना हा सुपिरीऑरिटी कॉम्प्लेक्स बाजूला ठेवा आणि खेळा असे बोल मांजरेकर यांनी दोघींना सुनावले होते. व्यक्तिगत दुःख मांडणा-या स्नेहाला फटकारले घरामध्ये स्पर्धक म्हणून वावरत असताना स्नेहा वाघ आणि आविष्कार दारव्हेकर यांना देखील महेश मांजरेकर यांनी चावडीवर खडे बोल सुनावले होते. एका भागामध्ये स्नेहाने सुरेखा कुडची यांना तिच्या आणि आविष्कार नवरा-बायको असतानाच्या नात्याबद्दल काही गोष्टी सांगितल्या होत्या. त्यानंतर भरलेल्या चावडीवर महेश यांनी स्नेहाला तिच्या या वागणुकीबद्दल नाराजी व्यक्त केली होती. तुमच्या व्यक्तिगत आयु्ष्यातील समस्येवर टीव्हीवर चर्चा करू नका असेही सुनावले होते. या कार्यक्रमात तुमचे लग्न अयशस्वी झाल्याची चर्चा करून प्रेक्षकांची सहानुभूती मिळवू नका, असेही मांजरेकर यांनी स्नेहाला सुनावले होते. घरात स्वतःचे नियम बनवणा-या मीरावर बरसले मांजरेकर घरातील स्पर्धक मीरा जग्गनाथ हिने देखील चावडीवर महेश मांजरेकर यांच्याकडून चांगलाच ओरडा खाल्लेला आहे. मीरा जग्गनाथ हिने घरामध्ये स्वतःचे नियम बनण्याचा प्रयत्न केला होता. तिच्या या वागणुकीबद्दल महेश मांजरेकर यांनी तीव्र नाराजी व्यक्त केली होती. मांजरेकर मीराला म्हणाले, पुढच्या वर्षीपासून तू तुझा मिस बिग बॉस हा कार्यक्रम सुरू कर आणि त्यात नियम बनव. तसेच या घरामध्ये बिग बॉस यांचेच नियम चालतात त्यामुळे तुझे नियम इतरांवर लादू नकोस. घरातील स्पर्धकांच्या भांडखोर वृत्तीवर टीका मध्ये सहभागी झालेले स्पर्धक घरामध्ये झालेला बहुतांश टास्कमध्ये अत्यंत आक्रमक आणि भांडखोरपणा केला. टास्क खेळताना या सर्वांमधील आक्रमकपणा, भांडखोरपणा इतका पराकोटीला जायचा की त्यामुळे टास्क रद्द करण्याची वेळ यायची. यामुळे आतापर्यंत घरामध्ये एकही टास्क कोणतेही पराकोटीचे भांडण-वादावादी न होता पार पडला नाही. यासंदर्भात महेश यांनी प्रत्येक चावडीवर सर्व सदस्यांची वेळोवेळी कानउघडणी केली. आतापर्यंत सिझनमधील या सिझनमधील स्पर्धक अतिशय भांडखोर, आक्रमक असल्याचे मतही त्यांनी व्यक्त केले होते. वुमन कार्डचा वापर करणा-या स्नेहाला पुन्हा फटकारले बिग बॉसच्या घरात झालेल्या टास्कमध्ये स्नेहा वाघने वुमन कार्डचा वापर करून प्रतिस्पर्धी विकास पाटील याच्यावर आरोप केले. त्यावेळी चावडीवर महेश मांजरेकर यांनी स्नेहाच्या या वागणुकीबद्दल तिची चांगलीच कानउघडणी केली होती. मांजरेकर तिला म्हणाले, 'टास्कवेळी विशालने तुला धक्का दिला हे तुझे म्हणणे धादांत खोटे आहे. सर्व महाराष्ट्राने काय घडले ते पाहिले आहे. त्या टास्कचे ५० हून अधिक व्हिडिओ प्रेक्षकांनी पाठवत स्नेहा खोटे बोलते आहे असे मत व्यक्त केले आहे. त्यामुळे स्नेहा तू वुमन कार्डचा वापर करून टास्क खेळू नकोस...'
from Marathi Bollywood News, Marathi Cinema News https://ift.tt/3qoHDa7
