मुंबई: गेली दोन वर्षं ज्याची जोरदार चर्चा होती, ते बॉलिवूडचं हॉटेस्ट कपल आणि यांनी ठरल्यानुसार गुरुवारी लग्नगाठ बांधली. राजस्थानात फोर्ट बावरा इथं राजेशाही थाटात हा सोहळा पार पडला. विकीनं पांढरा शेरवानी, तर कतरिनाना लाल रंगाच्या सुंदर पेहरावात लग्नविधी पूर्ण केले. लग्नसोहळा उरकल्यानंतर विकीनं इन्स्टाग्रावर फोटो पोस्ट करत चाहत्यांचे आभार मानले. विकी म्हणतो, ‘आमच्या मनात खूप खूप कृतज्ञता आणि प्रेम भरून राहिलं आहे. तुम्हा सर्वांच्या आशीर्वादानं आम्ही आमचा एकत्र प्रवास सुरू करत आहोत.’ विकीनं पोस्ट करताच काही वेळातच चाहत्यांसह बॉलिवूडमधल्या त्यांच्या मित्रमंडळींनी या जोडप्यावर शुभेच्छांचा वर्षाव केला. ‘वेलकम मिसेस कौशल’ म्हणत विकीचे कुटुंबीय आणि मित्रमंडळींनी कतरिनाचं स्वागत केलं. तर एका मराठी अभिनेत्याच्या कमेंटनं सर्वांचं लक्ष वेधून घेतलं. 'विकी भाऊ आणि कतरिना वहिनी यांना लग्नाच्या हार्दिक शुभेच्छा' असं म्हणत अभिनेता अमेय वाघनं विकी आणि कतरिनाला शुभेच्छा दिल्यात. अमेयच्या या कमेंटला चाहत्यांनी पसंती दर्शवली आहे. दोघंही दिसणार एकत्रअमेयची लोकप्रिय बॉलिवूड दिग्दर्शक करण जोहर याच्या आगामी चित्रपटात वर्णी लागली असून तो विकी कौशल याच्यासोबत स्क्रीन शेअर करताना दिसणार आहे. अमेय विकिसोबत 'गोविंदा मेरा नाम' या चित्रपटात झळकणार आहे.
from Marathi Bollywood News, Marathi Cinema News https://ift.tt/3yljnti
