मुंबई : आशियातील सर्वात श्रीमंत अशी ओळख असलेले प्रसिद्ध उद्योजक आणि रिलायन्स समूहाचे सर्वेसर्वा आणि नीता अंबानी यांच्या नातवाचा उद्या पहिला वाढदिवस आहे. त्यामुळं या बर्थडे सेलिब्रेशनची चर्चा झाली नसती ,तरच नवल. आकाश आणि त्याची पत्नी श्लोका मेहता यांनी गेल्या वर्षी १० डिसेंबर रोजी गोंडस मुलाला मुंबईत जन्म दिला. उद्या अंबानी यांचा नातू पृथ्वी याचा पहिला बर्थडे आहे. या बर्थडेसाठी अंबानींनी मुंबईची निवड न करता गुजरातमधील जामनगर इथं सेलिब्रेट करण्याचा निर्णय घेतला आहे. या बर्थडे पार्टीची आमंत्रण पत्रिका सध्या सोशल मीडियावर व्हायरल झाली आहे. करोना परिस्थिती पाहता पाहुण्यांना सर्व नियम पाळणे बंधणकारण असणार आहे. या पार्टीसाठी बॉलिवूडमधील अनेक कलाकार मंडळीही हजेरी लावणार आहेत. आलिया भट्ट, रणबीर कपूर दीपिका पादुकोण, रणवीर सिंग तसंच सचिन तेंडुलकर यांची नावं या पाहुण्यांच्या यादीत असल्याचं म्हटलं जात आहे. बर्थडे सेलिब्रेशनसाठी जामनगर इथं जाण्यासाठी पाहुण्यांसाठी मुंबईहून जेट विमानांची व्यवस्था करण्यात आली आहे. तर अंबानींच्या नातवाच्या पहिल्या बर्थडेसाठी परदेशातून खेळणी मागवण्यात आली आहेत. इतकंच नाही तर इटलीतील प्रसिद्ध शेफ या पार्टीसाठी बोलवण्यात आल्याचं म्हटलं जात आहे. या पार्टीची सर्व तयारी श्लोका आणि आकाश यांनी केली आहे. श्लोकानं लाडक्या लेकासाठी परदेशातून खेळणी मागवली आहेत. त्यामुळं या बर्थडे पार्टीची सध्या जोरदार चर्चा सुरू आहे.जामनगर इथल्या जवळच्या गावातील ५० हजार गावकऱ्यांना जेवण दिलं जाणार असून तिथल्या अनाथालयातील मुलांना भेटवस्तू पाठण्यात आल्या आहेत. लग्नाचीही झाली होती चर्चाआकाश अंबानीचा (Akash Ambani ) २०१९ मध्ये श्लोका मेहताशी ( ) राजेशाही थाटामध्ये लग्नसोहळा पार पडला. या लग्नसमारंभामध्ये देशभरातील दिग्गज मंडळींनी हजेरी लावली होती. या लग्नसोहळ्याची देशातच नव्हे तर परदेशातही भरपूर चर्चा झाली होती. आपल्या लेकाचं लग्न धुमधडाक्यात पार पडावं, यासाठी नीता अंबानी यांनी जराशीही कसर सोडली नव्हती.नीता अंबानींनी सूनेला तब्बल ३०० कोटी रुपयांचा नेकलेस गिफ्ट म्हणून दिला होता.
from Marathi Bollywood News, Marathi Cinema News https://ift.tt/3IwnlDX
