मुंबई: '' ही मालिका प्रेक्षकांसमोर आली आणि अल्पावधीतच सत्य घटनेवर बेतलेल्या या मालिकेची चर्चा झाली. बोगस डॉक्टर आणि त्यानं केलेले खून असं या मालिकेचं कथासूत्र होतं. १५ ऑगस्टला या मालिकेनं निरोप घेतला तेव्हाच तिचा दुसरा भाग येणार याची चर्चा सुरू झाली. नुकताच या मालिकेचा टीझर प्रदर्शित झाला. टीझरमध्ये डॉ. अजितकुमार देवचे अर्धाकृती पुतळे दाखवले जात आहेत. डॉ. अजितकुमार उर्फ देवीसिंग जिवंत आहे की मेला, हे गूढ मालिकेच्या टीमनं कायम ठेवलं होतं. मालिकेचा दुसरा प्रोमो शेअर करण्यात आला असून यातून सरू आजी पुन्हा प्रेक्षकांच्या भेटीला आली आहे. सोशल मीडियावर हा प्रोमो प्रचंड व्हायरल होत असून सरू आजीला पाहण्यासाठी प्रेक्षक उत्सुक असल्याचं दिसून येत आहेत. सरू आजीच्या म्हणींची चर्चा ' ' ही मालिका सोशल मीडियावर चांगलीच चर्चेत होती. मालिकेतील सरू आजी हे पात्र आणि त्यांच्या तोंडी असलेल्या म्हणी सोशल मीडियावर व्हायरल झाल्या. त्यावर अनेक मीम्सही बनवण्यात आले होते. आता पुन्हा एकदा सरू आजीच्या म्हणींची जादू चालणार की, मालिकेत काही बदल होणार, याकडं प्रेक्षकांचं लक्ष लागलं आहे.
from Marathi Bollywood News, Marathi Cinema News https://ift.tt/3Gk3Ex6
