मुंबई : 'तुझ्यात जीव गुंतला' या छोट्या पडद्यावरील मालिकेतून आणि अंतरा ही जोडी घराघरात लोकप्रिय झाली आहे. अतिशय भिन्न स्वभावाचे असलेले मल्हार आणि अंतरा यांना नाईलाजाने एकमेकांशी लग्न करावे लागते. परंतु संसार करत असताना त्यांच्यातील कुरबुरी, कधी एकमेकांबाबत असलेली काळजी, त्यातून येणारा जिव्हाळा अशा सा-या भावनांचे कंगोर त्यांच्या नात्यात प्रेक्षकांना बघायला मिळत आहेत. ही मालिका आणि त्यातील सर्व कलाकार विशेष करून हे अंतरा आणि मल्हारला खूपच लोकप्रियता मिळाली आहे. मल्हारची भूमिका अभिनेता साकारत आहे. तर अंतराची भूमिका योगिता चव्हाण साकारत आहे. सध्या सोशल मीडियावर मल्हारच्या अर्थात सौरभच्या हातावर असलेल्या टॅटूची खूपच चर्चा सुरू आहे. त्यामुळेच सोशल मीडियावर होत असलेल्या चर्चेच्या पार्श्वभूमीवर सौरभने त्याच्या टॅटूबाबत एक खास पोस्ट शेअर केली आहे. काय आहे सौरभची पोस्ट सौरभ चौगुले हा सोशल मीडियावर खूपच सक्रीय असतो. सोशल मीडियाच्या माध्यमातून तो आपल्या चाहत्यांशी अनेकदा संवादही साधत असतो. चाहत्यांशी संवाद साधत असताना अनेकदा त्याला टॅटूबद्दल प्रश्न विचारला जात होता. त्यामुळेच सौरभने त्यासंदर्भात एक पोस्ट करत त्यामागची खास भावना त्याने मांडली आहे. सौरभने त्याच्या हातावरच्या टॅटूचा आणि त्याच्याबाजूला पोलिसाच्या गणवेषात असलेल्या एका व्यक्तीचा फोटो शेअर केला आहे. सौरभने त्याच्या पोस्टमध्ये लिहिले आहे की, ' लोक नेहमी मला या टॅटूमागचे कारण विचारतात, म्हणून आज मी तुम्हांला सांगणार आहे! आजोबा ! माझ्या आयुष्यातील सर्वात मजबूत स्तंभांपैकी एक! तुम्ही आमच्या सोबत नसला तरी तुमच्या शिकवणीने मला नेहमीच आधार दिला आहे. मला तुमची खरोखर आठवण येत नाही कारण, तुम्ही मला वाटलेले जीवनाचे धडे कायम माझ्यासोबत आहेत.' सौरभ पुढे लिहितो की, ' जेव्हा जेव्हा माझ्याकडे कोणत्याही परिस्थितीची उत्तर नसतात तेव्हा मी माझ्या हातावरची तुमची स्वाक्षरी (टॅटू) पाहतो आणि मला जाणवते की तुम्ही माझा हात धरला आहे. त्याद्वारे मला मार्गदर्शन करत आहात.... वाढदिवसाच्या शुभेच्छा आजोबा- तुमचा नातू,' सध्या सोशल मीडियावर सौरभची ही पोस्ट खूपच व्हायरल झाली आहे. सौरभने त्याच्या आजोबांच्या वाढदिवसानिमित्त ही पोस्ट शेअर केली आहे. सौरभने शेअर केलेल्या या पोस्टला प्रचंड लाईक्स आणि कमेंट्स येत आहेत.
from Marathi Bollywood News, Marathi Cinema News https://ift.tt/3oWf70g
