मुंबई- एका पाकिस्तानी चित्रपट आणि थिएटर अभिनेत्रीवर तिच्यासोबत काम करणाऱ्या सह- कलाकारांचे बनवल्याचा आरोप आहे. गुरुवारी पोलिसांनी सांगितले की, अभिनेत्रीवर तिच्या सहकलाकारांचे कपडे बदलतानाचे व्हिडिओ बनवल्याचा आरोप आहे. यानंतर पाकिस्तानच्या फेडरल इन्व्हेस्टिगेशन एजन्सीच्या सायबर क्राइम विंगने अभिनेत्रीविरोधात एफआयआर नोंदवली. रिपोर्टनुसार, थिएटर अभिनेत्री खुशबू व्यतिरिक्त काशिफ खानवर लाहोरमधील एका थिएटरच्या चेंजिंग रूममध्ये कॅमेरा लपवून आक्षेपार्ह व्हिडिओ बनवल्याचा आरोप आहे. या अश्लील व्हिडिओंच्या माध्यमातून दोघेही सहकलाकारांना ब्लॅकमेल करायचे. एका अधिकाऱ्याने सांगितले की, 'खुशबूने काशिफ खान या थिएटर कर्मचाऱ्याला १ लाख रुपये दिले होते, जेणेकरून तो चेंजिंग रूममध्ये कॅमेरा लपवू शकेल. या कॅमेऱ्याच्या माध्यमातून तिला नाटकात काम करणाऱ्या चार अभिनेत्रींचे न्यूड व्हिडिओ बनवायचे होते. त्यानंतर खुशबूने त्यांना ब्लॅकमेल करण्याचा प्रयत्न केला आणि आक्षेपार्ह व्हिडिओ इंटरनेटवर अपलोड करण्याची धमकीही दिली.' अभिनेत्रींचे न्यूड व्हिडिओ सोशल मीडियावर व्हायरल झाले होते. यानंतर थिएटर मालकाने फेडरल इन्व्हेस्टिगेशन एजन्सीकडे गुन्हा दाखल केला. थिएटरचे मालक तारिक मेहमूद म्हणाले, 'खुशबूला तिच्या सहकारी अभिनेत्रींचा हेवा वाटायचा. त्यांच्याशी झालेल्या भांडणानंतर तिला नाटकातूनही काढून टाकण्यात आले. पोलिसांनी सांगितले की, काशिफ खानला अटक करण्यात आली आहे, तर खुशबूने अटक करण्यापूर्वी २१ डिसेंबरपर्यंत अटकपूर्व जामीन घेतला आहे.'
from Marathi Bollywood News, Marathi Cinema News https://ift.tt/31Orh1S
