मुंबई : बिग बॉस मराठीचे तिसरे पर्व संपले असले तरी यात सहभागी झालेले स्पर्धक या ना त्या कारणाने आज ही चर्चेत आहे. बिग बॉस मराठीच्या तिसऱ्या पर्वातील देखील सर्वात स्ट्राँग स्पर्धक होती. परंतु स्नेहाचा घरातील प्रवास अपेक्षेपेक्षा लवकर संपला. याची खंत तिला आणि तिच्या चाहत्यांना नेहमीच वाटत आहे. बिग बॉसच्या निमित्ताने स्नेहा पुन्हा एकदा छोट्या पडद्यावरील मनोरंजन विश्वामध्ये सक्रीय झाली आहे. हिंदी मालिका विश्वामध्ये स्नेहा लोकप्रिय अभिनेत्री आहे. अनेक वर्षांपासून ती हिंदी मालिकांमध्ये व्यग्र असल्याने मराठी मालिकांमध्ये ती फारशी दिसली नाही. परंतु बिग बॉस मराठीच्या निमित्ताने ती पुन्हा मराठी मनोरंजन विश्वामध्ये सक्रीय झाली आहे. बिग बॉस मराठीच्या तिसऱ्या पर्वामध्ये सहभाही होण्याचा माझा निर्णय योग्य असल्याची प्रतिक्रियादेखील घराबाहेर आल्यानंतर स्नेहाने दिली होती. आता स्नेहा पुन्हा एकदा छोट्या पडद्यावर दिसणार आहे. सूत्रांनी दिलेल्या माहितीनुसार स्नेहा एका मराठी रिअॅलिटी शोचं सूत्रसंचालन करणार असल्याची बातमी ई-टाइम्सने दिली आहे. लवकरच याबाबतीत अधिकृत घोषणा केली जाईल. या रिअॅलिटी शोच्या सूत्रसंचालनाची जबाबदारी स्नेहाने घ्यावी, अशी इच्छा निर्माते आणि वाहिनीने व्यक्त केली आहे. स्नेहाचा शांत, मितभाषी स्वभाव पाहता आणि हिंदीमध्ये ती बिझी असल्याने या कार्यक्रमाची जबाबदारी ती कशी स्वीकारते हे पाहणे उत्सुकतेचे ठरणार आहे. तसेच तिने याआधी कधीही कार्यक्रमाचं सूत्रसंचालन केलेलं नाही. परंतु तिच्या जवळच्या व्यक्तींनी दिलेल्या माहितीनुसार ही जबाबदारी स्वीकारण्याबाबत स्नेहा गंभीरपणे विचार करत आहे. दरम्यान, ई-टाइम्सला दिलेल्या मुलाखतीमध्ये स्नेहाने तिला छोट्या पडद्यावरील मराठी मनोरंजन विश्वामध्ये पुनरागमन करण्याची इच्छा व्यक्त केली होती. अर्थात यासाठी तिला नाविण्यपूर्ण असा प्रोजेक्ट हवा होता. तसा हा रिअॅलिटी शोचा प्रोजेक्ट आहे. त्यामुळे कदाचित ती या रिअॅलिटी कार्यक्रमाचे सुत्रसंचालन करताना दिसू शकेल.
from Marathi Bollywood News, Marathi Cinema News https://ift.tt/3KaPv8b
