मुंबई- ज्येष्ठ गायिका आणि भारतरत्न यांना ८ जानेवारीपासून ब्रीच कँडी इस्पितळात दाखल करण्यात आले असून त्यांची प्रकृती स्थिर असल्याचं म्हटलं जात आहे. ९२ वर्षीय लता मंगेशकर यांना करोना संसर्गासोबतच न्यूमोनियाही झाला होता. त्यानंतर त्यांना तातडीने इस्पितळात दाखल करण्यात आले असून अतीदक्षता विभागात त्यांना ठेवण्यात आले आहे. त्यांच्या तब्येतीबद्दल, ई-टाइम्सने त्यांची बहीण आणि जगविख्यात गायिका यांच्याशी संवाद साधला. ETimes ने आशा ताईंना लता दीदींच्या खालावत जाणाऱ्या प्रकृतीबद्दल येणाऱ्या बातम्यांबद्दल विचारले. यावर त्या म्हणाल्या की, 'नाही, नाही, मी अर्चना आणि उषा यांच्याशी ३० मिनिटांपूर्वीच बोलले आहे. आपण सर्वांनी दीदींच्या आरोग्यासाठी प्रार्थना केली पाहिजे.' आशा भोसले पुढे म्हणाल्या, 'ती आमच्या कुटुंबातील प्रत्येकाच्या आईसारखी आहे. त्यांच्या घरी (प्रभाकुंज, पेडर रोड) शिव रुद्र स्थापित केले आहे आणि त्यांच्या आरोग्यासाठी पूजा- पाठ केले जात आहेत.' त्याचवेळी महाराष्ट्राचे आरोग्य मंत्री राजेश टोपे यांनी रविवारी सांगितले की, लता मंगेशकर यांच्या प्रकृतीत सुधारणा होत आहे. टोपे म्हणाले, 'लता मंगेशकर यांच्या प्रकृतीत सुधारणा होत आहे. मी ब्रीच कँडी इस्पितळाच्या अधिकार्‍यांशी बोललो ज्यांनी मला त्यांच्या प्रकृतीबद्दल अपडेट दिले. मी त्यांना सांगितले की इस्पितळाच्या प्रवक्त्यांनी गायिकेच्या प्रकृतीबद्दल अपडेट देत रहावे, कारण लोकांना त्यांच्या प्रकृतीबद्दल जाणून घ्यायचे आहे. लता मंगेशकर यांच्या कुटुंबीयांशी चर्चा केल्यानंतरच इस्पितळ त्यांच्या प्रकृतीबाबत अपडेट देऊ शकेल,' असे आरोग्यमंत्र्यांनी सांगितले. लता मंगेशकर यांनी वयाच्या पाचव्या वर्षापासून काम करायला सुरुवात केली होती. त्यांनी वडिलांच्या संगीत नाटकांमध्ये काम करायला सुरुवात केली. लता दीदींनी १९४२ मध्ये वयाच्या १३ व्या वर्षी त्यांच्या करिअरला सुरुवात केली होती. त्यांनी अनेक भारतीय भाषांमध्ये ३० हजारांहून अधिक गाणी गायली आहेत.
from Marathi Bollywood News, Marathi Cinema News https://ift.tt/3nz4X4p