मुंबई- गानकोकिला विषाणूच्या विळख्यात सापडल्या आहेत. त्यांना संसर्गाची सौम्य लक्षणं आहेत, परंतु खबरदारी म्हणून त्यांना ब्रीच कँडी हॉस्पिटलच्या आयसीयूमध्ये दाखल करण्यात आले आहे. गुरुवारी त्यांचे हेल्थ बुलेटिनही जारी करण्यात आले. ज्यात डॉ प्रतीत समदानी यांनी सांगितले की, लतादीदी सध्या आयसीयूमध्ये आहेत. मात्र, त्यांच्या प्रकृतीत काहीशी सुधारणा झाली आहे. लता मंगेशकर यांची घेतली जाईल विशेष काळजी डॉक्टरांच्या म्हणण्यानुसार, यांना कोरोना आणि न्यूमोनिया दोन्ही आहेत. त्याचे वय लक्षात घेता डॉक्टरांनी त्यांची काळजी घेण्याची गरज असल्याचा सल्ला दिला असून त्यांना 'आयसीयू'मध्ये दाखल करण्यात आले आहे. त्यांना किमान सात ते आठ दिवस निरीक्षणाखाली ठेवण्यात येणार असल्याचं डॉक्टरांचं म्हणणं आहे. डॉक्टरांच्या म्हणण्यानुसार, त्या बऱ्या होतील, परंतु त्यांच्या वयामुळे थोडा वेळ लागू शकतो. विशेष म्हणजे नोव्हेंबर २०१९ पासून लतादीदी मंगेशकरांच्या घरातून एकदाबी बाहेर पडलेल्या नाहीत. पण जेव्हा त्यांच्या घरातील नोकराचा रिपोर्ट पॉझिटिव्ह आला तेव्हा लता मंगेशकर यांचीही चाचणी करण्यात आली आणि त्यांचा रिपोर्ट पॉझिटिव्ह आला. यापूर्वी, लता दीदी यांना नोव्हेंबर २०१९ मध्ये श्वासोच्छवासाचा त्रास होऊ लागल्याने इस्पितळात दाखल करण्यात आले होते. आपल्या सात दशकांच्या कारकिर्दीत लता मंगेशकर यांनी विविध भाषांमध्ये ३०0 हजारांहून अधिक गाणी गायली आहेत. २००१ मध्ये त्यांना भारताचा सर्वोच्च नागरी सन्मान 'भारतरत्न' देण्यात आला होता. १९८९ मध्ये त्यांना दादासाहेब फाळके पुरस्कारानेही सन्मानित करण्यात आले आहे.
from Marathi Bollywood News, Marathi Cinema News https://ift.tt/3qpDgg8