मुंबई- 'बिग बॉस १५' ची स्पर्धक आणि प्रसिद्ध गायिका अफसाना खानने बॉयफ्रेंड साजसोबत लग्नगाठ बांधली आहे. त्यांच्या लग्नाचे फोटोही सोशल मीडियावर व्हायरल होत आहेत.तिच्या लग्नाआधीचे सोहळेही दणक्यात पार पडले. या खास प्रसंगी राखी सावंत,डोनल बिष्ट, , रश्मी देसाई, हिमांशी खुराना देखील उपस्थित होते. या कार्यक्रमाचे अनेक व्हिडिओ आणि फोटो सोशल मीडियावर व्हायरल झाले होते. पण राखीच्या एका व्हिडिओने प्रेक्षकांचे चांगलेच लक्ष वेधून घेतलं होतं. ज्यानंतर युजर्सनी अशा प्रतिक्रिया दिल्या, ज्यामुळे राखीला खूप दुःखं झालं. राखीने तिच्या इन्स्टाग्रामवर एक व्हिडिओ शेअर केला होता, ज्यात ती नेटकऱ्यांना सांगताना दिसली की ती पहिल्यांदा मेंदी लावत आहे. तिच्या हा व्हिडिओ सोशल मीडियावर व्हायरल झाला .तिच्या कमेंट सेक्शन मध्ये काहींनी तिला ट्रोल केलं. अनेकांनी तिच्या आणि रितेशच्या लग्नाच्या वेळीसचे फोटो शेअर करून लोकांची दिशाभूल केली आणि राखीला त्यांच्या लग्नात तिने मेंदी लावली नव्हती का असा प्रश्न विचारला. ज्यामुळे राखी खूप चिडली, सर्वांच्या प्रश्नांना उत्तर देत काही दिशाभूल करणाऱ्या पोस्टसोबत एक व्हिडिओ शेअर केला. राखीने शेअर केलेल्या व्हिडिओत तिने सांगितलं, 'नमस्कार, माझा एक मेंदीचा व्हिडिओ समोर आला आहे. मी जेव्हा पहिल्यांदा मेंदी लावली आहे, असं म्हटलं, तर कोणी तरी माझा लग्नाच्या वेळीसचा जुना फोटो एकत्र करून पोस्ट केला. तुम्ही लोकांना भडकवण्याच काम करत आहात. ज्यांनी हे केलं आहे त्यांना मारायची इच्छा होत आहे. मन लावून मेंदी लावायला काय म्हणतात? आणि रडून मेंदी लावायला काय म्हणतात.' या व्हिडिओ तिने पुढे सांगितलं की, 'अफसानाच्या लग्नात मी मनापासून मेंदी लावली आहे. आधी जी मेंदी लावली होती, ती रितेश माझ्याशी लग्न करणार होता म्हणून. त्याने एकदा नकार दिला. दोनदा नकार दिला. तीन वेळा नकार दिला. म्हणून रडत रडत माझ्या मेंदीत अश्रू ओघळले. त्यामुळे ती मी त्याला मेंदी लावली आहे असं म्हणार नाही. मग तो चौथ्या पाचव्यावेळीस लग्नाला आला. जास्त हुशारी करू नका. माझा व्हिडिओ ज्यानी कोणी एडिट केला आहे त्यांच्यासाठी (मेंदी लावलेला हात दाखवत) याला खरी मेंदी लावणं म्हणतात.' दरम्यान बिग बॉस १५ नंतर काही दिवसांनी राखी सावंतने ती आणि तिचा नवरा रितेश वेगळे होतं असल्याच सांगितलं. व्हॅलेंटाईन डेच्या एक दिवसआधी तिने सोशल मीडियावर पोस्ट शेअरे केली होती, ज्यात ते वेगळे होतं असल्याची माहिती तिने दिली होती. ज्यानंतर ते दोघं चांगलेच चर्चेत आले.
from Marathi Bollywood News, Marathi Cinema News https://ift.tt/LQ4ytq3
