नवी दिल्ली: स्मार्टफोन मार्केटमध्ये रोजच नव-नवीन स्मार्टफोन्स लाँच करण्यात येतात असे म्हटले तर ते चुकीचे ठरणार नाही. हे नवीन स्मार्टफोन्स अनेक नवीन आणि मॉडर्न फीचर्स ऑफर्स करतात. अशात लोकप्रिय कंपनी Vivo ने आपला नवीन एन्ट्री लेव्हल स्मार्टफोन बाजारात लाँच केला असून कंपनीने हा फोन नुकताच आफ्रिकन बाजारात सादर करण्यात आला आहे. येत्या काही दिवसांत भारतासह इतर बाजारपेठांमध्ये त्याची एन्ट्री होईल, असे सांगण्यात येत आहे. हा Vivo फोन दोन रंगांच्या पर्यायांमध्ये येतो – सॅफायर ब्लू आणि एलिगंट ब्लॅक. फोनच्या किंमतीबाबत कंपनीतर्फे अद्याप कोणतीही माहिती देण्यात आलेली नाही. तुम्ही देखील हा एन्ट्री लेव्हल स्मार्टफोन खरेदी करायचा विचार करत असाल Vivo Y01 च्या फीचर्सबद्दल सविस्तर जाणून घ्या. पाहा डिटेल्स. वाचा: Vivo Y01 ची वैशिष्ट्ये: फोनमध्ये, कंपनी १६०० x ७२० पिक्सेल रिझोल्यूशनसह ६.५१ -इंच वॉटर-ड्रॉप नॉच IPS LCD ऑफर करत आहे. प्लास्टिकच्या बिल्ड गुणवत्तेसह, या फोनचा मागील लूक या वर्षी जानेवारीमध्ये लाँच झालेल्या Vivo Y15 सारखा आहे. फोनची लांबी १६३.६६ mm, रुंदी ७५.२ mm, जाडी ८.२८ mm आणि वजन १७८ ग्रॅम आहे. हा फोन दोन प्रकारांमध्ये येतो - २ GB + ३२ GB आणि ३ GB + ३२ GB. प्रोसेसर म्हणून कंपनी त्यात MediaTek Helio P35 चिपसेट देत आहे. फोटोग्राफीची आवड असणाऱ्यांसाठी यात भन्नाट कॅमेरा सेटअप देण्यात आला आहे. फोटोग्राफीसाठी, Vivo च्या या एंट्री-लेव्हल स्मार्टफोनमध्ये LED फ्लॅशसह ८-मेगापिक्सेल सिंगल रियर कॅमेरा आहे. त्याचबरोबर सेल्फीसाठी फोनमध्ये ५ मेगापिक्सेलचा फ्रंट कॅमेरा आहे. कोणत्याही स्मार्टफोनमधील बॅटरी ही सर्वात महत्वाच्या फीचर्सपैकी एक मानली जाते. अशात फोनला पॉवर देण्यासाठी यामध्ये ५००० mAh ची बॅटरी देण्यात आली आहे. ही बॅटरी १० W चार्जिंग स्पीडला सपोर्ट करते. OS बद्दल बोलायचे झाले तर, फोन Android 11 Go Edition वर आधारित Funtouch OS 11.1 वर काम करतो. कनेक्टिव्हिटीसाठी कंपनीने फोनमध्ये ब्लूटूथ ५.० , वाय-फाय, ड्युअल सिम सपोर्ट आणि 4जी सारखे पर्याय दिले आहेत. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/Pv0eZy1
