मुंबई- प्रसिद्ध बॉलिवूड अभिनेता सुशांत सिंग राजपूत ने त्याच्या वांद्रे येथील राहत्या घरी गळफास लावून आत्महत्या केली. तो ३४ वर्षांचा होता. सुशांत असं काही पाऊल उचलेलं याचा कोणी विचारही केला नव्हता. गेल्या सहा महिन्यांपासून सुशांत नैराश्यग्रस्त होता. त्याच्या जाण्याने बॉलिवूड जगतापासून साऱ्यांनाच धक्का बसला आहे. सुशांत एका डिलक्स अपार्टमेन्टमध्ये रहायचा. तिथे एकून चार फ्लॅट होते. या घरासाठी सुशांत महिन्याला लाखो रुपयांचं भाडंही द्यायचे. एवढंच नाही तर मीडिया रिपोर्टनुसार डिपॉझिट म्हणून सुशांतने या घरासाठी १२ लाख ९० हजार रुपयांचं डिपॉझिटही दिलं होतं. तर महिन्याला ४ लाख ५१ हजार रुपये तो भाडं द्यायचा. असं म्हटलं जातं की, २०२२ पर्यंत सुशांत या घरात राहणार होता. दरम्यान सुशांतच्या चुलत भावानं एक धक्कादायक खुलासा केलाय. पूर्णिया जिल्ह्यातील मलडिहामध्ये राहणाऱ्या पन्ना सिंह यांच्या दाव्यानुसार, याच वर्षी बोहल्यावर चढणार होता. येत्या नोव्हेंबर महिन्यात त्याच्या विवाह सोहळ्याचं आयोजन करण्याची कुटुंबीयांची तयारी सुरू होती. परंतु, सुशांत कुणासोबत विवाहबद्ध होणार होता, हे मात्र त्यांनी गुलदस्त्यातच ठेवलंय. 'गेल्या आठवड्यात सुशांत सिंहचे वडील के के सिंह यांच्याशी बोलणं झालं होतं. जवळपास ४५ मिनिटे हा संवाद सुरू होता. त्यांनी सर्व काही ठिक असल्याचं सांगितलं होतं. सुशांतचं नोव्हेंबर महिन्यात लग्न आहे, मुंबईला जायचंय, तयारी करून ठेवा, असंही त्यांनी म्हटलं होतं' असं पन्ना सिंह यांनी म्हटलंय.
from Marathi Bollywood News, Marathi Cinema News https://ift.tt/30GgvrU
