मुंबई- सुशांतसिंह राजपूत या जगात नाही यावर अनेकांना अजूनही विश्वास बसत नाही. 'पवित्र रिश्ता' मालिकेत सुशांतसोबत काम केलेली अभिनेत्री प्रार्थना बेहरेही त्याच्या आठवणीत भावुक झाली. सुशांतसोबतच्या आठवणींना उजाळा देताना तिने आणि महेश शेट्टीला जज करणं बंद करण्याचंही आवाहन केलं. दोघांनाही या घनेमुळे मोठा धक्का बसल्याचं सांगितलं. दुःखात आहे अंकिता लोखंडे- सध्या सोशल मीडियावर अनेकजण प्रतिक्रिया देत आहेत. सुशांतच्या निधनावर त्याची एक्स-गर्लफ्रेंड अंकिताने कोणतीही प्रतिक्रिया दिली नाही आणि मित्र महेश शेट्टीने त्याचा शेवटचा फोन उचलला नाही यासाठी लोक दोघांना सोशल मीडियावर सुनावत आहेत. यावर बोलताना प्रार्थना म्हणाली की, 'मी अंकिताबद्दल सांगू शकते की तिला प्रचंड मोठा धक्का बसला आहे. ती प्रचंड रडत आहेत. पण लोकांना कळलं पाहिजे की, प्रत्येकजण आयुष्यात पुढे जात असतं. तिला जेव्हा सुशांतच्या आत्महत्येबद्दल कळलं तेव्हा तिला फार मोठा धक्का बसला. पण तिच्या आयुष्यात दुसरंही कोणी आहे आणि तिला त्या नात्याचाही मान ठेवायचा आहे.' प्रार्थनाला लहान बहीण मानायचा सुशांत- इटाइम्स टीव्हीला दिलेल्या मुलाखतीत प्रार्थना म्हणाली की, सुशांत माझ्या जवळच्या मित्रांपैकी एक होता. तो मला लहान बहीण मानायचा. कारण 'पवित्र रिश्ता' मालिकेत मी अंकिताची बहीण होती. प्रार्थना म्हणाली की जेव्ह तिला सुशांतच्या आत्महत्येबद्दल कळलं तेव्हा तिला काही क्षण कळलंच नाही की नक्की कोणत्या सुशांतबद्दल लोक बोलत आहेत. पवित्र रिश्ता मालिकेनंतर दोघं फारसे कधी संपर्कात नव्हते. रिक्षातून करायचा प्रवास- प्रार्थना म्हणाली की, 'पवित्र रिश्ता' मालिकेत काम करताना ती आणि सुशांत एकत्र रिक्षातून प्रवास करायचे. यानंतर त्याने जेव्हा पहिली स्कोडा गाडी विकत घेतली तेव्हा तो सर्वांना घेऊन लाँग ड्राइव्हवर गेला होता. यानंतर त्याने जैग्वार आणि रेन्ज रोवर घेतली तेव्हा प्रार्थनाला एकटीला घेऊन तो ड्राइव्हला गेला होता.
from Marathi Bollywood News, Marathi Cinema News https://ift.tt/3hvpF0z
