नवी दिल्ली- 'राम सिया के लव कुश' या मालिकेत रामची व्यक्तिरेखा साकारणारा अभिनेता प्रचंड घाबरला होता जेव्हा त्याला कळलं की त्याची पत्नी शीतल सिंहला झाली असून तिची प्रकृती गंभीर आहे. तेव्हाचा अनुभव शेअर करताना हिमांशू आजही अस्वस्थ होतो. ईटाइम्स टीव्हीला दिलेल्या मुलाखतीत हिमांशू सोनीने संपूर्ण अनुभव सांगताना स्पष्ट केलं की या प्रवासात किती लोक देवासारखे धावून आले आणि मदत केली. हिमांशू म्हणाला की, आता आम्ही घरी आलो आहोत आणि सर्वकाही ठीक आहे. काही दिवसांपूर्वी पत्नीचे दोन करोना टेस्ट करण्यात आले आणि दोन्ही निगेटिव्ह आले. हिमांशू म्हणाला की, 'मी २ जुलैला ऋषीकेशला पोहोचलो आणि ४ जुलैला तिला दिल्ली इस्पितळात भरती केलं. तेव्हा शीतलची प्रकृती अत्यंत बिकट होती. तिला श्वासही घेता येत नव्हता. डॉक्टरांनी लगेच उपचार सुरू केले. शीतल कामाच्या संदर्भात ऋषिकेशला गेली होती. पण तिथे जाऊन ती आजारी पडली. करोना टेस्ट केली तर ती निगेटीव्ह आली. पण दोन- तीन दिवसांनंतर रिपोर्ट पॉझिटिव्ह आला. शीतलला वाटलं याआधी टेस्ट केली ती निगेटिव्ह आली तर हा व्हायरल ताप असेल. पण तो करोना होता.' डॉक्टरांनी सांगितलं प्रकृती नाजूक हिमांशू पुढे म्हणाला की, 'ऋषीकेश येथील एम्समध्ये ती भरती होती आणि तिथे करोनाच्या रुग्णांच्या उपचारांसाठी आवश्यक त्या सुविधा नव्हत्या. जेव्हा मी तिकडे गेलो तेव्हा मला सांगितलं की तिची प्रकृती गंभीर आहे, ते काहीच सांगू शकत नाही. त्याच रात्री मी शीतलला दिल्लीतील इस्पितळात भरती करण्याचा निर्णय घेतला. काही मित्रांच्या मदतीने एम्ब्यूलन्स बोलावली. यात वेन्टिलेटर आणि एक डॉक्टरही होता.' जेव्हा डॉक्टर मला म्हणाले की शीतलची प्रकृती गंभीर आहे आणि पुढे काय करायचं याचा निर्णय तुम्हीच घ्या तेव्हा मी घाबरलो. मी विचारच करू शकत नव्हतो की, यापुढे काय करायचं आहे. तेव्हा माझ्या हातात काही नव्हतं आणि फक्त डॉक्टरांवर विश्वास ठेवू शकत होतो. मला वाटतं होतं की त्या रात्री काही विचित्र घडणार आहे. मी पूर्ण रात्र रडत होतो. स्वतःला सावरत, मध्येच रडत मी ती रात्र काढली. दरम्यान, मी शीतलला दिल्लीला परत नेण्याचा निर्णय घेतला. ४ जुलै रोजी हिमांशूने दिल्लीतील इस्पितळात शीतलला भरती केलं. आता तिची प्रकृती ठीक आहे आणि ती करोनामुक्त आहे. बुद्ध मालिकेच्या सेटवर हिमांशू आणि शीतलची पहिली भेट झाली होती. या मालिकेत हिमांशूने बुद्धची भूमिका साकारली होती तर शीतल मालिकेची निर्माती होती. २७ नोव्हेंबर २०१५ मध्ये दोघांनी लग्न केलं.
from Marathi Bollywood News, Marathi Cinema News https://ift.tt/39jJh3Y
