मुंबई: दिवंगत अभिनेता सुशांतसिंह राजपूत याची एक्स गर्लफ्रेंड अंकिता लोखंडे हिनं त्यासाठी आणखी एक पोस्ट शेअर करत तिच्या भावनांना वाट मोकळी करून दिली आहे. जिथं आहेस तिथं आनंदी राहा, असं तिनं तिच्या पोस्टमध्ये म्हटलं आहे. १४ जुलै रोजी अंकितानं एक पोस्ट शेअर केली होती. देवघराच्या पुढं तिनं दिवा लावला होता. या फोटोला कॅप्शन देनाता अंकिताना फक्त 'देवाचं मुल' एवढंच लिहिलं. या दोन शब्दांमधल्या तिच्या वेदना आज अनेकांनी अनुभवल्या. अंकिताच्या या पोस्टवर अनेकांनी तिला खंबीर होण्याचा सल्ला दिला. अंकिता सोशल मीडियावर महिन्याभरापर्यंत सक्रिय होती. सुशांतच्या जाण्यानंतर तिने एकही पोस्ट शेअर केली नाही. अंकिताने शेवटची पोस्ट सुशांतच्या जाण्याच्या एक दिवसआधी १३ जूनला केली होती. सुशांतच्या मृत्यूनंतर दुसऱ्याच दिवशी अंकिता त्याच्या वांद्रे येथील घरी कुटुंबाला भेटायला गेली होती. 'पवित्र रिश्ता' 'पवित्र रिश्ता' या मालिकेत सुशांत आणि अंकिता एकत्र काम करत होते. त्यानंतर सुशांतनं मालिका सोडली आणि तो बॉलिवूडमध्ये गेला. तिथं स्थिरावण्यासाठी त्यानं जोरदार प्रयत्न सुरू केले. या दरम्यानच दोघांनी प्रेमाची कबुली दिली होती. त्यानंतर २०११मध्ये एका डान्सरिअॅलिटी शोमध्ये सुशांतनं अंकिताला मागणी घातली होती. तिनंही त्याला होकार दिला. आपण लवकरच लग्न करणार असल्याचंही त्यांनी सांगितलं होतं. पण काही दिवसानंतर एका पार्टीमध्ये अंकितानं सुशांतला एक सणसणीत थोबाडीत दिल्याच्या बातम्यांनी मध्ये खळबळ उडवून दिली होती. पण त्यानंतर दोघांनीही या घटनेचा इन्कार केला होता‘आमच्यात असं काही झालेलंच नाही. आम्ही पूर्वीसारखेच एकमेकांच्या गाढ प्रेमात आहोत. आमच्याविषयी असं काहीतरी छापणाऱ्या लोकांची तर आम्हाला कीवच येते.’असं या दोघांचं म्हणणं होतं. पण काही दिवसांतच त्यांनी वेगळं होण्याचा निर्णय घेतला. दरम्यान, सुशांत ज्या मनोचिकित्सक डॉक्टरांकडे उपचार घेत होता त्या केरसी चावडा यांनी त्याच्या आयुष्यातील काही गोष्टीचा खुलासा केलाय. सुशांतनं त्यांच्याशी सहा महिन्यापूर्वी संपर्क केला होता. तेव्हा एका वर्षापासून डिप्रेशनमध्ये असल्याचं सांगितलं होतं. अंकिता लोखंड सोबत ब्रेकअप झाल्यानंतर काही दिवस सर्व ठिक होतं. पण त्यानंतर आयुष्यात आणि त्याच्या नात्यांमध्ये स्थिरपणा आला नाही. व्यावसायीक ताण आणि नात्यांमधली अस्थिरतायांनी तो काहीसा खचला होता. असं ते म्हणाले. सुशांतसिंहने १४ जून रोजी त्याच्या राहत्या घरी गळफास लावून आत्महत्या केली होती. बराचवेळ दरवाजा वाजवूनही त्याने दरवाजा न उघडल्याने त्याच्या नोकराने घराचा दरवाजा तोडला. त्यावेळी त्याचा मृतदेह पंख्याला लटकलेला आढळला. सुशांत हा गेल्या काही दिवसांपासून डिप्रेशनमध्ये होता, त्याच्यावर मनोविकार तज्ज्ञाकडून उपचारही सुरू होते, असं सूत्रांनी सांगितलं. टीव्ही अभिनेता म्हणून करियरची सुरुवात करणाऱ्या सुशांतनं मोठ्या संघर्षानंतर बॉलिवूडमध्ये स्वत:चं वेगळं स्थान निर्माण केलं होतं.
from Marathi Bollywood News, Marathi Cinema News https://ift.tt/3fRc9mH
