मुंबई- मराठी अभिनेता सुबोध भावेला झाली आहे. सुबोधने स्वतः सोशल मीडियावर याची माहिती दिली. सुबोधसह त्याची पत्नी मंजिरी आणि मोठा मुलगा कान्हा या दोघांनाही करोनाची लागण झाली आहे. त्याच्या दुसऱ्या मुलाला मल्हारला मात्र करोनाची लागण झाली नाही. तिघांनीही स्वतःला घरीच क्वारन्टीन करून घेतलं आहे. याबद्दल सोशल मीडियावर सुबोधने सविस्तर माहिती दिली. सुबोधने ट्वीट करत म्हटलं की, ‘मी,मंजिरी आणि माझा मोठा मुलगा कान्हा आम्हा तिघांनाही करोनाची लागण झाली आहे. आम्ही घरीच स्वतःला क्वारन्टीन करून घेतले आहे. तज्ज्ञ डॉ क्टरांच्या मार्गदर्शनाने उपचार घेत आहोत. तुम्ही सगळे काळजी घ्या आणि सुरक्षित रहा. गणपती बाप्पा मोरया.’ सुबोधच्या या ट्वीटनंतर त्याच्या चाहत्यांनी तो आणि त्याचं कुटुंब या आजारातून लवकर बरं व्हावं यासाठी प्रार्थना केली आहे. दरम्यान, सिनेअभिनेत्री दिपाली सय्यदला गेल्या काही दिवसांपासून करोनाची सुरुवातीची लक्षणं जाणवतं होती. ही लक्षणं अंगावर न काढता तिने तातडीने करोनाची चाचणी करून घेण्याचा निर्णय घेतला. यासोबतच तिच्या संपर्कात आलेल्यांनाही तिने चाचणी करून घेण्याचं आवाहन केलं आहे. दिपालीने सोशल मीडियावर मेसेज टाकत म्हटलं की, ‘करोनाची सुरुवातीची लक्षणं जाणवत असल्यामुळे आज मी करोनाची टेस्ट करून घेणार आहे. गेल्या काही दिवसांत सामाजिक उपक्रमांच्या माध्यमातून अनेक लोकांशी संपर्क आला होता. याचमुळे माझ्या संपर्कात आलेल्या कोणाला काही त्रास जाणवत असल्यास त्यांनीही स्वतःची तपासणी करून घ्यावी.’ दिपालीच्या करोनाची चाचणी निगेटिव्ह आली असून तिला व्हायरल फिवर असल्याचं डॉक्टरांनी सांगितलं. परंतू तरीही त्यांना स्वतःची काळजी घेण्यासाठी काही दिवस घरीच राहण्याचा सल्ला डॉक्टरांनी दिला आहे.
from Marathi Bollywood News, Marathi Cinema News https://ift.tt/3jpfFWA
