मुंबई- प्रकरणाशी संबंधित लोकांची सतत चौकशी करत आहे. या चौकशादरम्यान, बरेच खुलासे झाले आहेत. आता सुशांतचा माजी गृह व्यवस्थापक सॅम्युअल मिरांडाने अजून एक खुलासा केला आहे. मिरांडाने सीबीआयला सांगितलं की सुशांत अनेकदा खूप रडायचा. मीडिया रिपोर्टनुसार, सॅम्युअल मिरांडाने सांगितलं की, त्याला सुशांतची बहीण प्रियांका आणि तिचा नवरा सिद्धार्थने कामावर ठेवलं होतं. सॅम्युअलचं काम सुशांतच्या इतर कर्मचाऱ्यांना हाताळणं आणि त्यांना पगार देणं हे होतं. सॅम्युअलने सांगितलं की एक दिवस सुशांतचं त्याच्या बहिणीशी कडाक्याचं भांडण झालं. त्यानंतर प्रियांका आणि सिद्धार्थ दिल्लीला गेले. सॅम्युअलच्या म्हणण्यानुसार, रिया चक्रवर्तीचं मे २०१९ पासून सुशांतच्या घरी येणं- जाणं वाढलं. रियाचा भाऊ शौविक आणि त्याचे वडीलही सुशांतच्या घरी अनेकदा येत असत. रिया नंतर सुशांतसोबत राहू लागली. सुशांतला बिझी ठेवण्यासाठी आठवड्यातून एकदा किंवा दोनदा पार्टी ठेवायची. पण काही वेळा सुशांत पार्ट्यांमध्ये हजरच रहायचा नाही. तो आपल्या खोलीत असायचा आणि स्वतःला बंदिस्त करून घ्यायचा. सॅम्युअलने सीबीआयला सांगितले की सुशांतच्या घरी काम करणाऱ्या नोकरांनी आणि रियाने त्याला घरात भूतबाधा असल्याचं सांगितलं होतं. मिरांडा म्हणाला की, कधीकधी सुशांत रात्रीच्या वेळी अचानक आपल्या खोलीतून बाहेर यायचा आणि हनुमानाच्या मूर्तीला मिठी मारून परत खोलीत जायचा. या सर्व गोष्टी तेव्हा सुरू झाल्या जेव्हा सुशांत, रिया आणि शौविक तिघंही युरोप ट्रीपवरून परत आले. सॅम्युअलने सांगितलं की सुशांतची माजी व्यवस्थापक श्रुती मोदी आणि रिया यांनीच त्याला वॉटरस्टोन क्लबमध्ये जाण्याचा सल्ला दिला होता. पण त्यानंतरही सुशांतच्या तब्येतीत काही विशेष सुधारणा झाली नाही. तो खूप रडायचा. याक्लबमध्ये सुशांतच्या बहिणीही त्याला भेटायला आल्याचा दावा सॅम्युअलने केला.
from Marathi Bollywood News, Marathi Cinema News https://ift.tt/3bdYyV7
