बॉलिवूडचा किंग नेहमी वेगवेगळ्या कारणांमुळे चर्चेत असतो. आता पुन्हा एकदा सोशल मीडियावर त्याची चर्चा आहे AskSRK या हॅशटॅगनं शाहरूखचे चाहते त्याला हवे ते प्रश्न विचारत असतात. 'बादशाह' म्हणून ओळखल्या जाणाऱ्या शाहरुखकडे आज कोट्यवधी रुपयांची संपत्ती, आलिशान बंगला, महागड्या गाड्या आहेत. बॉलिवूडचा तो सुपरस्टार आहे. पण, काही वर्षांपूर्वी दिल्लीहून जेव्हा तो मुंबईत दाखल झाला होता, तेव्हा त्याच्या खिशात जेमतेम ३०० रुपये होते. राहायला घर नव्हतं. शाहरुख आज वांद्रे येथील '' बंगल्यात राहतो. शाहरुखएवढाच त्याचा 'मन्नत' बंगलाही प्रसिद्ध आहे. एका चाहत्यानं त्याला,'हा बंगला तू विकणार आहेस का?' असा प्रश्न विचारला. या चकित करणाऱ्या प्रश्नावर शाहरुखनं त्याला उत्तर दिलं, 'भावा, 'मन्नत' (देवाकडे काही तरी मागणं वा मनाशी केलेला संकल्प) विकत घेता येत नाही, तर ती विनम्रपणे मागायची असते. हे वाक्य कायम स्मरणात ठेव. आयुष्यात नक्कीच काहीतरी करून दाखवशील.' शाहरुखच्या या उत्तराची चाहत्यांनी आणि सिनेसृष्टीतील इतर कलाकारांनी तारीफ केली. या उत्तराप्रमाणेच आणखी एका उत्तराची सोशल मीडियावर चर्चा रंगली होती. एका चाहत्यानं त्याला विचारलं, 'जर तुम्ही एखाद्या प्रसिद्ध नसलेल्या मित्राबरोबर डिनरसाठी जाता, तेव्हा तुम्ही जेवणाचं बिल अर्ध भरता की संपूर्ण बिल तुम्हीच भरता?' या प्रश्नावरही शाहरूख खानने मजेशीर उत्तर दिलं. 'प्रसिद्ध असणं किंवा नसणं याच्याशी त्याचा काहीच संबंध नसतो. पण बिल तेच भरतात. कारण मी खिशात पैसे घेऊन कुठेच जात नाही.' चाहत्यांनी विचारलेले प्रश्न आणि शाहरुखनं त्याला दिलेली उत्तरं. * क्वारंटाइनचे दिवस कसे गेले? शाहरुख : चित्रपट बघण्यात * कोणती अशी एक गोष्ट ज्यावर तुम्ही विश्वास ठेवता? शाहरुख : लोक जसे आहेत तसं तुम्ही बदलण्याचा प्रयत्न करू नका. त्यांना समजून घेण्याचा प्रयत्न करा. * तुमचं बलस्थान काय आहे? शाहरुख : मी कुठे कमी पडतो हे मला माहितीय. * तुम्ही तुमच्या कामाव्यतिरिक्त अजून काय करता? जेवण बनवायला शिकलात का? शाहरुख : मीठ किती टाकायचं आहे...? हे अद्याप समजणं कठीण जातंय. *वाढदिवसाचा प्लॅन काय आहे? आमचं 'जन्नत' असलेल्या तुमच्या 'मन्नत'बाहेर आम्हाला जमता येईल का? शाहरुख : माझी विनंती आहे; कोणीही गर्दी करु नये. यंदाचा वाढदिवशी तुमचं प्रेम सुरक्षित अंतर राखूनच.
from Marathi Bollywood News, Marathi Cinema News https://ift.tt/31UsWQL
