मुंबईः मराठीची चीड येते, म्हणत मराठी भाषेचा अपमान करणाऱ्या गायक विरोधात अनेकांनी आक्रमक भूमिका घेतली होती. हा वाद अधिक चिघळण्यापूर्वीच कलर्स वाहिनीनं सावध पावलं उचलतं दिलगिरी व्यक्त केल्यानंतर जान यानं देखील आता हात जोडून मराठी जनतेची तसंच महाराष्ट्राची माफी मागितली आहे. प्रसिद्ध गायक यांचा मुलगा जान कुमार सानू बिग बॉसच्या १४व्या पर्वात स्पर्धक म्हणून सहभागी झाला आहे. बिग बॉसच्या एका एपिसोडदरम्यान निक्की तांबोळीशी बोलताना मराठी भाषेची चीड येते, असं वक्तव्य त्यानं केलं होतं. यामुळंच जाननं मराठी भाषेचा अपमान केला असल्याचं म्हणत शिवसैनिक न मनसेच्या कार्यकर्त्यांनी बिग बॉसविरोधात आक्रमक पवित्रा हाती घेतला होता. तसंच, जाननं मराठी भाषेचा अपमान केल्याप्रकरणी माफी मागावी अशी, मागणीही केली होती. हा वाद अधिक वाढण्याआधीच कलर्स वाहिनीकडून माफीनामा जारी करण्यात आला आहे. कलर्स वाहिनीनं मुख्यमंत्री उद्धव ठाकरे यांना पत्र लिहीत माफी मागीतली आहे. कलर्स वाहिनीच्या सोशल मीडिया अकाऊंटवर जान कुमार सानू याचा व्हिडिओ शेअर करण्यात आला आहे. या व्हिडिओत त्यानं महाराष्ट्राची माफी मागितली आहे. 'माझ्याकडून नकळत मराठी भाषिकांच्या भावना दुखावल्या. मी त्यांची मनापासून माफी मागतो, माझ्याकडून अशी चूक पुन्हा कधीही होणार नाही, असं जाननं म्हटलं आहे. पाहा व्हिडिओ: दरम्यान, शिवसेना आणि मनसे नेत्यांनी बिग बॉसचा शो बंद पाडण्याचा इशारा दिल्यानंतर तातडीनं कलर्स वाहिनीचे संचालन करत असलेल्या वायकॉम १८ या कंपनीनं माफीनामा सादर केला . विशेष म्हणजे आधी मुख्यमंत्री यांना आणि नंतर मनसे अध्यक्ष यांना कंपनीकडून माफीनामा पाठवण्यात आला . वायकॉम १८ नं मराठी भाषेचा अवमान करणाऱ्या वक्तव्याबाबत दिलगिरी व्यक्त केली आहे. कलर्स वाहिनीवरील बिग बॉस या शोमध्ये २७ ऑक्टोबर रोजी प्रसारित झालेल्या भागात स्पर्धक जान कुमार सानूने मराठी भाषेबद्दल केलेल्या वक्तव्यावर आक्षेप घेण्यात आला आहे. या आक्षेपाची आम्ही नोंद घेतली आहे. भविष्यात प्रदर्शित केल्या जाणाऱ्या सदर मालिकेच्या भागांतून आक्षेपार्ह विधान वगळण्यात येत आहे. मराठी भाषेबद्दल करण्यात आलेल्या या विधानामुळे जर नकळत महाराष्ट्रातील जनतेच्या भावना दुखावल्या असतील तर आम्ही याबद्दल दिलगिरी व्यक्त करत आहोत. आमच्यासाठी प्रेक्षक महत्त्वाचे आहेत. मराठी आणि देशातील प्रत्येक भाषेचा आम्ही आदर आणि पुरस्कारही करतो, असे या माफीनाम्यात नमूद करण्यात आले आहे.
from Marathi Bollywood News, Marathi Cinema News https://ift.tt/2HJqRAm
