मुंबई टाइम्स टीम अभिनेते लिखित, दिग्दर्शित '' हा भव्य ऐतिहासिक चित्रपट लवकरच प्रेक्षकांच्या भेटीला येणार आहे. कोणत्याही ऐतिहासिक चित्रपटासाठी भव्य सेट उभारावे लागत असल्यानं त्या वातावरण निर्मितीसाठी बराच खर्च होतो. चित्रपटाचं केवळ तीन दिवसांचं शूटिंग बाकी होतं. त्याची संपूर्ण तयारी झाली असताना लॉकडाउन जाहीर झाल्यामुळे शूटिंग थांबवावं लागलं. लॉकडाउननंतर या शूटिंगला सात महिन्यांनंतर परवानगी मिळाली. पण, त्यातही पावसाचं संकट ओढवलं. भोरमध्ये त्यासाठी नव्यानं भव्य सेट उभारण्यात आला. सर्व तयारी झाली, शूटिंगला सुरुवात झाली आणि पावसानं जोरदार हजेरी लावत पुन्हा एकदा चित्रिकरणात व्यत्यय आणला. मात्र 'सरसेनापती हंबीरराव'च्या लढाऊ कलाकारांनी आलेल्या संकटाशी दोन हात करत नियोजित शूटिंग मोठ्या जिद्दीनं पूर्ण केलं. पावसाशी मुकाबला करत शूटिंग पूर्ण करण्याचा हा अनुभव सांगताना दिग्दर्शक प्रविण तरडे म्हणाले, की '६ जून १६७४ साली छत्रपती शिवाजी महाराजांचा राज्याभिषेक सोहळा झाला, त्यावेळी पहाटे पाऊस पडला होता. यावेळी शिवराज्याभिषेकाचा सोहळा चित्रीत करतानाही पाऊस पडला. या पावसामुळे शूटिंगमध्ये व्यत्यय निर्माण झाला तरी आम्ही याकडे सकारात्मक म्हणून बघतो.' पावसामुळे शिवराज्याभिषेक सोहळ्याच्या भव्य सेटचं मोठं नुकसान झालं असलं तरी प्रविण तरडे, डिओपी महेश लिमये, अभिनेते उपेंद्र लिमये, रमेश परदेशी, सुनील अभ्यंकर, देवेंद्र गायकवाड, कार्यकारी निर्माते विशाल चांदणे यांच्यासह संपूर्ण टीमनं या संकटाशी मुकाबला करत या संकटाशी यशस्वीपणे झुंज देत नियोजित शूटिंग वेळेत पूर्ण केलं. लवकरच पोस्ट प्रॉडक्शनचे काम पूर्ण करून 'सरसेनापती हंबीरराव' प्रदर्शनासाठी तयार होणार आहे. या ऐतिहासिक चित्रपटात आणि यांच्या कारकीर्दीत स्वराज्याचे सेनापती म्हणून शौर्य गाजविलेल्या सेनापती यांच्या पराक्रमाची गाथा पाहायला मिळणार आहे. स्वतः तरडे यात ही भूमिका निभावत आहेत. या चित्रपटासाठी त्यांनी वजनही वाढवलं आहे. ‘ऐतिहासिक व्यक्तिरेखा या तरुणांना प्रेरणा देणाऱ्या असतात, त्यामुळे त्या साकारताना कलाकारांनी तशी शरीरयष्टी घडवणंही गरजेचं आहे,’ असं तरडे सांगतात.
from Marathi Bollywood News, Marathi Cinema News https://ift.tt/3dS04gS
