मुंबई- सोशल मीडियाच्या माध्यमातून तिच्या विवाहित जीवनाची झलक चाहत्यांना दाखवत असते. नुकतेच तिने सूरत येथील मौलाना यांच्याशी लग्न केलं. लग्नाचे अनेक फोटो आणि व्हिडिओ सोशल मीडियावर शेअर झाले आहेत. सनानेही स्वतः लग्नाचे अनेक पोस्ट शेअर केले आहेत. आता तिने इन्स्टाग्रामवर अजून एक व्हिडिओ शेअर केला. यात ती नवऱ्यासोबत 'आयतुल कुर्सी' वाचताना दिसत आहे. या व्हिडिओला कॅप्शन देताना तिने लिहिले की, 'हे तुझा वाईट नजरेपासून बचाव करतील.' सना आणि अनसने काढली एकमेकांची दृष्ट नुकत्याच शेअर केलेल्या व्हिडिओमध्ये सना आणि तिचा नवरा अनस यांनी एकमेकांचा हात धरला आहे. एकमेकांच्या डोळ्यात पाहत ते 'आयतुल कुर्सी' वाचत आहेत. सनाने या व्हिडिओच्या कॅप्शनमध्ये लिहिले की, 'हे वाईट नजरेपासून तुमचं रक्षण करतं. नमाजनंतर आणि जेव्हा तुम्ही घराबाहेर पडता तेव्हा हे नक्कीच वाचा. जोडीदाराच्या घरातून कामासाठी बाहेर पडताना हे न विसरता वाचा.' सनाच्या या व्हिडिओवर पती अनसने हार्ट इमोजी टाकून कमेन्ट केली. लग्नानंतरच्या सनाच्या पोस्ट आहेत रोमॅण्टिक यापूर्वी सना खानने पोस्ट करत म्हटलं होतं की हलाल प्रेम इतकं सुंदर असू शकतं याचा तिने कधी विचारच केला नव्हता. तिने पुढे लिहिले की प्रत्येक हलाल कामात प्रगतीच होते. सनाचे पती अनस यांनी इन्स्टाग्रामवर पहिली पोस्ट शेअर करत केली होती. यात त्याच्या आयुष्यात सना आल्याबद्दल त्याने आभार मानले होते. सना खानच्या लग्नाचे व्हिडिओ झाले होते व्हायरल सना आणि अनसने २० नोव्हेंबरला लग्न केले. लग्नाचा व्हिडिओ मीडियामध्ये समोर आल्यानंतर सनाने इन्स्टाग्रामवर तिच्या लग्नाची अधिकृत घोषणा केली. सनाने सलमान खानसोबत 'जय हो'सह अनेक चित्रपटांमध्ये काम केलं आहे. याशिवाय ती 'बिग बॉस', 'फिअर फॅक्टर' आणि 'झलक दिखला जा' या रिअॅलिटी शोमध्येही दिसली होती. गेल्या महिन्यात तिने धर्मासाठी सिनेसृष्टी सोडण्याचा निर्णय घेतला होता.
from Marathi Bollywood News, Marathi Cinema News https://ift.tt/39p29AI
