मुंबई- बॉलिवूड अभिनेता आणि रविवारी २४ जानेवारीला लग्न बंधनात अडकणार आहेत. गेल्यावर्षीपासूनच लग्नाची तयारी सुरू झाली होती. मात्र करोना व्हायरसमुळे काही महिने लग्न पुढे ढकलण्यात आलं. मात्र यावर्षी नताशा आणि वरुण लग्न करणार आहेत. त्यांच्या लग्नाच्या तयारीचे अनेक फोटो आणि व्हिडिओ सोशल मीडियावर व्हायरल झाले आहेत. वरुण आणि नताशाच्या लग्नाची सुरू झाली खास तयारी हे स्टार कपल २४ जानेवारी रोजी लग्न करणार असल्याचं जवळ जवळ निश्चित आहे. करोना व्हायरस पूर्णपणे न गेल्यामुळे त्यांचं लग्न मोठ्या पद्धतीने केलं जाणार नाही. तसेच सरकारने लागू करून दिलेल्या नियमांचं पालन करूनच सर्व गोष्टी केल्या जातील. ईटाइम्सच्या रिपोर्टनुसार, वरुणचे वडील दिग्दर्शक या लग्नाच्या प्रायव्हसी संबंधी अधिक सजग आहेत. त्यांनी लग्नाच्या व्हेन्यूकडे कर्मचाऱ्यांना फोन न वापरण्याची ताकीद दिली आहे. याआधी असं म्हटलं गेलं होतं की वरुणचं लग्न पाच दिवसांचं असेल. पण कोविडसंबंधी सर्व गोष्टी लक्षात घेता डेविड यांना कोणतीही बेफिकीरी बाळगायची नव्हती. त्यामुळेच बिग बजेट लग्न न ठेवता त्यांनी लो- प्रोफाइल लग्न करण्याचा निर्णय घेतला. या लग्नाला घरातले काही लोक आणि जवळचे मित्र- मैत्रिणी उपस्थित असतील. डेविड धवन यांना आहे मधुमेहाचा आजार डेविड धवन यांना फक्त मधुमेहाचा त्रास नाहीए तर २०१३ मध्ये त्यांना हृदयविकाराचा झटकाही येऊन गेला आहे. त्यांच्या प्रकृतीची काळजी घेता बिग बजेट लग्न न करण्याचा कुटुंबियांनी निर्णय घेतला. वरुण आणि नताशा लहानपणीपासूनचे मित्र- मैत्रिणी आहेत. शाळेत असल्यापासून ते एकमेकांना ओळखतात. अनेक वर्षांच्या रिलेशनशिपनंतर दोघं आता लग्न करत आहेत.
from Marathi Bollywood News, Marathi Cinema News https://ift.tt/39PwYgu
