मुंबई- अभिनेता आणि प्रसिद्ध कोरिओग्राफर प्रभुदेवाच्या आगामी चित्रपटाबाबत त्याच्या चाहत्यांमध्ये प्रचंड उत्सुकता होती. प्रेक्षक बऱ्याच काळापासून त्याच्या चित्रपटाची वाट पाहत होते. शेवटी त्यांची प्रतिक्षा संपली असून प्रभुदेवाच्या '' या चित्रपटाचा टीजर रिलीज झाला आहे. इतकंच नाही तर, चित्रपटाच्या टीजरने सोशल मीडियावर धुमाकूळ घातला आहे. टीजरवरून हा चित्रपट एक सायको थ्रिलर चित्रपट असल्याचे स्पष्ट होते. या चित्रपटाचं दिग्दर्शन अद्विक रविचंद्रन यांनी केलं आहे. चित्रपटात मुख्य भूमिका साकारणार असून तो अनेक अभिनेत्रींसोबत रोमान्स करताना दिसणार आहे. सध्या प्रभुदेवा त्याच्या चित्रपटाच्या टीजरमुळे चर्चेत आहे. टीजरवरून प्रभुदेवा एका सायको खुन्याची भूमिका साकारत असल्याचं स्पष्ट झालं आहे. टीजरमध्ये तो अत्यंत भयानक दिसत असून आज पर्यंत त्याने साकारलेल्या भूमिकांपेक्षा ही भूमिका खूप वेगळी आहे. या भूमिकेला न्याय देण्यासाठी प्रभुदेवाला प्रचंड मेहनत करावी लागली. त्याच्या करियरमधील अत्यंत वेगळी भूमिका त्याने साकारली आहे. प्रभुदेवाचे अनेक वेगवेगळे अवतार टीजरमध्ये दाखवण्यात आले आहेत. प्रत्येक वेळेस तो नवीन व्यक्ती बनून प्रेक्षकांसमोर उभा राहतो. चित्रपटात असेही लुक प्रभुदेवाने केले आहेत,ज्यात चाहत्यांना त्याला ओळखणेदेखील कठीण झाले आहे. इतकंच नाही तर, चित्रपटात प्रभुदेवा वेगवेगळ्या अभिनेत्रींसोबत दाखवण्यात आला आहे, ज्यांची तो हत्या करतो. चित्रपटाचा टीजर थिंक म्युजिक इंडियाच्या यू ट्यूब चॅनेलवर प्रदर्शित करण्यात आला आहे. ज्याला आतापर्यंत पाच लाखांहून जास्त लोकांनी पाहीला आहे. चित्रपटाच्या प्रदर्शनाच्या तारखेबाबत कोणतीही घोषणा अद्याप करण्यात आलेली नाही.
from Marathi Bollywood News, Marathi Cinema News https://ift.tt/2NieONn
