मुंबई- दिवंगत कन्नड फिल्मस्टार याची पत्नी हिने अखेर चाहत्यांना दिलेलं वचन पूर्ण केलं. काल रात्री व्हॅलेन्टाइन डेचं औचित्य साधून मेघनाने त्यांचा मुलगा ज्युनियर चिरूचा परिचय संपूर्ण जगाशी करून दिला. मेघनाने आधीच चाहत्यांना सांगितलं होतं की, १३ जानेवारीच्या रात्री १२ वाजता अभिनेत्रीने आपल्या मुलाची पहिली झलक संपूर्ण जगाला दाखवणार आहे. मेघना राज सर्जाने व्हॅलेन्टाइन डेच्या सुरूवातीला ठीक रात्री १२ वाजता एक क्यूट व्हिडिओ सोशल मीडियावर शेअर केला. ज्यामध्ये लहान चिरू खूप मस्ती करताना दिसत आहे. यासोबतच व्हिडिओच्या शेवटी आईच्या कुशीत आहे आणि बाजूला असलेल्या वडिलांच्या फोटोकडे पाहत आहे. हा क्षण चाहत्यांना फार भावुक करून गेला. मेघनाचा हा मुलासोबतचा व्हिडिओ आतापर्यंत त्यांच्या चाहत्यांनी हजारोवेळा पाहिला आहे. तसंच या व्हिडिओवर लाखो लाइक आणि कमेन्टही आले आहेत. चिरंजीवी सर्जा यांच्या आकस्मिक मृत्यूने हादरलं होती कन्नड सिनेसृष्टी गेल्या वर्षी करोना काळात चिरंजीवी सर्जाच्या आकस्मिक निधनाने संपूर्ण कन्नड सिनेसृष्टी हादरून गेली होती. या घटनेवर कोणाचाही पटकन विश्वास बसत नव्हता. वयाच्या अवघ्या ३७ व्या वर्षी चिरंजीवीने अखेरचा श्वास घेतला. त्याच्या मृत्यूवेळी पत्नी मेघना राज सर्जा तीन महिन्यांची गरोदर होती. चिरंजीवी सर्जा यांच्या निधनाने देशभर दुःखाचं वातावरण पसरलं होतं. हृदयविकाराच्या झटक्याने त्याचा मृत्यू झाला होता. देशात करोनामुळे लॉकडाउन होते. त्यामुळे कुटुंबियांना चिरंजीवी यांना योग्यवेळी इस्पितळात दाखल करणं अवघड गेलं होतं.
from Marathi Bollywood News, Marathi Cinema News https://ift.tt/2LUnU20
