मुंबई: बॉलिवूडमधील ज्येष्ठ अभिनेते यांचं काही दिवसांपूर्वी निधन झालं. चेंबूर इथल्या रुग्णालयात त्यांनी अखेरचा श्नास घेतला. गेल्या काही महिन्यांतच कपूर घराण्यातील अनेकांनी या जगाचा निरोप घेतला. गेल्या वर्षी एप्रिल महिन्यातच ऋषी कपूर यांनी जगाचा निरोप घेतला, होता त्यानंतर अवघ्या काही महिन्यात कपूर कुटुंबियांना हा दुसरा धक्का सहन करावा लागत आहे. यावर यांनी मन मोकळं केलं आहे. वर्षभरातच दोन धाकट्या भावांना गमावल्याचं दु:ख मोठं असल्याचं रणधीर म्हणाले, तसंच आता मी एकटा पडलोय, असं म्हणत त्यांनी त्यांचं दु:ख व्यक्त केलं आहे. तसंच राजीव यांच्या निधनाच्या दिवशी नेमंक काय घडलं? याबद्दलही रणधीर यांनी नुकत्याच दिलेल्या एका मुलाखतीत सांगितलं आहे. 'माझी तब्येत आजकाल बरी नसते, चालण्यासाठी दुसऱ्याचा आधार घ्यावा लागतो त्यामुळं एक नर्स २४ तास माझ्या मदतीसाठी असते. त्या दिवशी ही नर्स सकाळी ७.३० वाजता राजीवला उठवायला गेली. पण त्यानं काहीच उत्तर दिलं नाही. नर्सनं त्याच्या हृदयाचे ठोके तपासले. त्याच्या हृदयाचे ठोके कमी होत असल्याचं तिच्या लक्षात आलं, त्यानंतर आम्ही त्याला लगेचच हॉस्पिटलमध्ये घेऊन गेलो, पण उशिर झाला होता . त्याला वाचवण्याचे सर्व प्रयत्न अयशस्वी ठरले आणि मी घरात आता एकटा राहिलोय, असं रणधीर म्हणाले.
from Marathi Bollywood News, Marathi Cinema News https://ift.tt/3al5bGc
