मुंबई: 'नागिन' फेम अभिनेता डिसेंबर २०२० मध्ये दुसऱ्यांदा बाबा झाला होता. त्याची पत्नी टीजे सिद्धूनं एका गोंडस मुलीला जन्म दिला होता. याआधी करणवीरला दोन जुळ्या मुली आहेत. १४ एप्रिलला व्हॅलेंटाइन डेच्या मुहूर्तावर करणवीर आणि टीजे यांनी त्यांच्या तिसऱ्या मुलीचं नामकरण केलं. त्यांनी सोशल मीडियावर मुलीसोबतचे फोटो शेअर करत याची माहिती दिली आहे. तिन मुलांचा बाबा झालेल्या करणवीरनं आपल्या तिसऱ्या मुलीसोबतचा ब्लॅक अँड व्हाइट फोटो इन्स्टाग्रावर शेअर केला आहे. त्याच्या या फोटोवर लाइक्सचा अक्षरशः पाऊस पडत आहे. करणवीरच्या मुलीचा हा फोटो सध्या सोशल मीडियावर खूप व्हायरल झाला आहे. या फोटोमध्ये करणवीरच्या खांद्यावर डोकं ठेऊन त्याची मुलगी झोपलेली दिसत आहे. बाबा आणि मुलीच्या या गोड फोटोनं सर्वांची मनं जिंकली आहेत. आपल्या तिसऱ्या मुलीसोबतचा फोटो शेअर करताना करणवीरनं तिचं नावही सांगितलं आहे. करणवीरनं मुलीचा फोटो शेअर करताना लिहिलं, 'भेटा माझ्या लहानग्या व्हॅलेंटाइनला.' यासोबतच त्यानं सांगितलं आहे की, त्याच्या मुलीचं नाव असं ठेवण्यात आलं आहे. करणवीर व्यतिरिक्त त्याची पत्नी हिनेही त्यांच्या तिसऱ्या मुलीचा फोटो तिच्या इन्स्टाग्रामवर शेअर केला आहे. ज्यात करणवीर आणि टीजे मुलीच्या कपाळावर किस करताना दिसत आहे. टीजेनं शेअर केलेल्या या गोड फोटोवर अनेकांनी कमेंट करत या कपलला शुभेच्छा दिल्या आहेत. काय आहे करणवीरच्या मुलीच्या नावाचा अर्थ करणवीर आणि टीजे सिद्धूनं आपल्या मुलीचे फोटो इन्स्टाग्रामवर शेअर करताना तिच नाव तर सर्वांना सांगितल आहेच. पण यासोबतच त्यांनी तिच्या या अनोख्या नावाचा अर्थ सुद्धा समजावून सांगितला आहे. Gia Vanessa Snow चा अर्थ- Gia म्हणजे माता पार्वतीचं रुप. Vanessa हे इटालियन देवतेचं नाव आहे ज्याचा अर्थ प्रेमाची देवता असा होतो. तर Snow चा संबंध तिच्या दोन बहिणींच्या प्रेमाशी आहे. करणवीरनं आपल्या मुलीच्या जन्मानंतर केलेल्या सोशल मीडिया पोस्टमध्येही, 'माझ्या घरी लक्ष्मी, सरस्वती आणि पार्वती आल्या आहेत.' असं म्हटलं होतं.
from Marathi Bollywood News, Marathi Cinema News https://ift.tt/3pjYckX
