मुंबई: बॉलिवूड अभिनेता रणधीर कपूर यांचा आज १५ फेब्रुवारीला ७४ वा वाढदिवस. या निमित्तानं १४ फेब्रुवारीला रात्री कपूर फॅमिलीमध्ये बर्थडे डिनरचं आयोजन करण्यात आलं होतं. ज्यात कपूर फॅमिली आणि त्यांच्या जवळच्या काही खास व्यक्ती चेंबूरमधील राज कपूर यांच्या बंगल्यावर एकत्र जमले होते. रणधीर कपूर यांच्या या बर्थडे डिनरसाठी पती सैफ अली खानसोबत, आलिया भट्टसोबत आणि आदर जैन अभिनेत्री तारा सुतारियासोबत सामील झाले. पण या सर्वांचे डिनरला जातानाचे फोटो आणि व्हिडीओ सोशल मीडियावर व्हायरल झाल्यानंतर मात्र त्यांना सोशल मीडियावर खूप ट्रोल केलं जात आहे. रणधीर कपूर यांचा भाऊ म्हणजेच अभिनेता राजीव कपूर यांचं निधन होऊन अवघे ५ दिवस उलटलेत. त्यांचं निधन हृदयविकाराच्या धक्क्यानं झालं. अशात त्यांच्या निधनानंतर अवघ्या ५ दिवसांनी कपूर फॅमिलीच्या या डिनर आणि बर्थडे सेलिब्रेशनवर लोकांनी नाराजी दर्शवली आहे. अनेकांनी अभिनेत्री करिना कपूर आणि अभिनेता रणबीर कपूरला टर्गेट करत त्यांच्यावर टीका केली आहे. काकांच्या निधनाला एक आठवडा पण झाला नाही आणि हे लोक पार्टी कसे काय करत आहेत असं अनेक युझर्सचं म्हणणं आहे. बॉलिवूड अभिनेता राजीव कपूर यांचं ९ फेब्रुवारी रोजी हृदयविकाराच्या धक्क्यानं निधन झालं. त्यानंतर १३ फेब्रुवारीला कपूर फॅमिलीनं त्यांच्यासाठी प्रेअर मीट ठेवली होती. ज्यात कपूर फॅमिलीसोबत बॉलिवूडच्या अनेक सेलिब्रेटींनी हजेरी लावली होती. राजीव कपूर हे रणधीर कपूर यांचे सर्वात लहान भाऊ आणि राज कपूर यांचा सर्वात लहान मुलगा होते. त्यामुळे त्यांच्या निधनानंतर रणधीर कपूर यांचं असं बर्थडे सेलिब्रेशन युझर्सना पटलेलं नाही.
from Marathi Bollywood News, Marathi Cinema News https://ift.tt/2ODLalU
