मुंबई- 'लाडाची मी लेक गं' या मालिकेत मुख्य भूमिका साकारणारा अभिनेता चर्चेत आला आहे. कारण आहे त्यानं सोशल मीडियावर शेअर केलेला एक व्हिडिओ. या व्हिडिओत त्यानं लाऊडस्पीकरवरून अजान देण्याबद्दल नाराजी व्यक्त केली आहे. आरोहने त्याच्या राहत्या घराच्या आसपास असणाऱ्या मशिदीतून येणाऱ्या अजानच्या आवाजासंदर्भात नाराजी व्यक्त केली आहे. यांचं काय करायचं? असा प्रश्न त्याने विचारलाय. मशिदीत पहाटे होणाऱ्या अजानमुळे झोपमोड होत असल्याने यावर काही तर कारवाई करावी, असं आरोहंनं त्याच्या व्हिडिओमध्ये म्हटलं आहे. आरोहने त्याच्या पठाणवाडीतील घरातून एक व्हिडीओ शूट केला आहे. त्यात त्याने पहाटे सहा वाजता येणाऱ्या अजानच्या आवाजाबद्दल सांगितलंय. त्यात त्याने तो आवाजही रेकॉर्ड केला आहे. हा व्हिडिओ त्याने ट्विटरवर ट्विट करत पोलिसांना सांगूनही काही फरक पडलेला नाही, असं म्हटलंय. हा व्हिडिओ ट्विट करून त्याने त्यात मुंबई पोलीस, महानगरपालिका, आदित्य ठाकरे, मुख्यामंत्री उद्धव ठाकरे व गृहमंत्री अनिल देशमुख यांना टॅग केलं आहे. https://ift.tt/37oTigA त्याने म्हटलं, 'मी काही दिवसांपूर्वी ट्विटरवर माझ्या पठाणवाडीतील घराच्या मागे असणाऱ्या मशिदीतून येणाऱ्या अजानच्या आवाजाबद्दल लिहिलं होतं. आता पहाटे सहा वाजले आहेत आणि आता अजानचा किती मोठा आवाज येतो आहे ते तुम्हीचं ऐका. हे रोजचं आहे. मला इथे अडीच वर्ष झाली. दिवसातून चार ते पाच वेळा अजान होते. मी दोन दिवसांपूर्वी यासंदर्भात पोलिसांत तक्रार दाखल केली आहे. त्यानंतर २ दिवस हे बंद होतं परंतु, आता पुन्हा सुरु झालंय. काय करायचं ते कळत नाही. तुम्हीचं सांगा ह्यांचं काय करायचं ?' याआधीही, सोनू निगम याने अजानच्या वेळेस वापरल्या जाणाऱ्या लाऊडस्पीकरबद्दल तक्रार केली होती.
from Marathi Bollywood News, Marathi Cinema News https://ift.tt/3k0kpUr
