मुंबई: दाक्षिणात्य सुपरस्टार्सनी बॉलिवूडला टक्कर देण्याची पूर्ण तयारी केली आहे. अॅक्शन हिरो अशी ओळख असलेला लवकरच '' या चित्रपटातून प्रेक्षकांच्या भेटीला येत आहे. या चित्रपटात प्रभाससोबत अभिनेत्री झळकणार आहे. काही दिवसांपूर्वीच चित्रपटाचा टीझर प्रेक्षकांच्या भेटील आला आहे. त्यानंतर आता या चित्रपटाशी संबंधीत नवी माहिती समोर आली आहे. ३० जुलैला रिलीज होत असलेल्या या चित्रपटात प्रभासच्या कॉस्ट्यूमसाठी मेकर्सनी कोट्यवधी रुपये खर्च केल्याचं समजतं. 'राधे श्याम'मध्ये प्रभासचा रोमँटिक अंदाज पाहायला मिळणार आहे. या चित्रपटाचं एकूण बजेट ३५० कोटी रुपये एवढं असल्याचं बोललं जात आहे. नेहमीच अॅक्शन अवतार आणि स्टंट करताना दिसणारा प्रभास या चित्रपटात रोमँटिक हिरो साकारत आहे. त्यामुळे त्याच्या कॉस्ट्यूमवर मेकर्सनी विशेष मेहनतही घेतली आहे. या चित्रपटासाठी काही मोठ्या डिझायनर्सना साइन करण्यात आलं असून यासाठी मेकर्सनी ६ कोटी पेक्षा जास्त रक्कम खर्च केली आहे. प्रभासच्या बहुचर्चित 'राधे श्याम' या चित्रपटाचं दिग्दर्शन राधाकृष्ण कुमार करत आहेत. तर या चित्रपटाचे अनेक निर्माते आहेत. ज्यात वामसी कृष्ण रेड्डी, प्रमोद उप्पलपति आणि भूषण कुमार अशा मोठ्या सेलिब्रेटींच्या नावाचा समावेश आहे. याशिवाय या चित्रपटाच्या स्टारकास्टवरही बराच खर्च करण्यात आला आहे. या चित्रपटात प्रभास आणि पूजा हेगडे यांच्या व्यतिरिक्त सचिन खेडेकर, प्रियदर्शी पुलीकोन्डा, भाग्यश्री, मुरली शर्मा, कुणाल रॉय कपूर, रिद्धी कुमार, साशा क्षेत्री, सत्यन अशा मोठी स्टारकास्ट पाहायला मिळणार आहे. प्रभासच्या 'राधे श्याम' या चित्रपटाचं शूटिंग मागच्या वर्षी जानेवारीमध्ये सुरू झालं होतं. त्यानंतर करोनाच्या दरम्यानंही संपूर्ण टीमनं सुरक्षेची पूर्ण काळजी घेत चित्रपटाचं शूटिंग पूर्ण केलं. सध्या टीम चित्रपटाच्या फायनल शेड्यूलसाठी हैदराबादमध्ये शूटिंग करत आहे. या चित्रपटाचं शूटिंग हैदराबाद, इटली आणि जॉर्जिया या ठिकाणी झालं आहे. हा चित्रपट हिंदी, तमिल, तेलुगू आणि मल्याळम या भाषांमध्ये रिलीज होणार आहे.
from Marathi Bollywood News, Marathi Cinema News https://ift.tt/37nlbFF
