मुंबई- काही ऑफर अशा असतात की ज्य नाकारल्या जाऊ शकत नाहीत. त्यातही जर ऑफर याच्याकडून येत असेल तर कोण नाकारेल. त्याचं झालं असं की, सलमानला परमवीर हा घोडा आवडला. त्याने हा घोडा विकत घेण्याचं ठरवलं. विशेष म्हणजे २०१८ मध्येही त्याने परमवीरला विकत घेण्याचा प्रयत्न केला होता. पण घोड्याच्या मालकाने त्याला विकण्यास स्पष्टपणे नकार दिला आहे. एका वेबसाइटने प्रसिद्ध केलेल्या वृत्तानुसार, फरीदकोटमध्ये 'हॉर्स ब्रीडर्स' स्पर्धा आयोजित करण्यात आली होती. सलमानच्या टीमने परमवीरला पाहिले. सर्वांनाच तो पहिल्याच क्षणी पसतं पडला होता. सलमानची टीम त्याला विकत घेण्यासाठी पुढेही गेली मात्र परमवीरच्या मालकाने त्याला विकण्यास नकार दिला. गुजरातच्या अहमदाबाद येथील रणजितसिंग राठोड यांनी आपले दोन घोडे 'हॉर्स ब्रीडर्स' स्पर्धेत नेले असल्याचं वृत्त आहे. गेल्या वर्षीदेखील परमवीरवर अनेकांच्या नजरा होत्या. संपूर्ण स्पर्धेत तो लोकांच्या आकर्षणाचं केंद्र होता. रिलायन्स समूहाने त्याचं मूल्य १ कोटी रुपये ठेवलं होतं. यावर्षीही सलमान खानची टीम परमवीरला विकत घेण्यात अपयशी ठरले. प्रसिद्ध केलेल्या वृत्तानुसार, परमवीरचा दिवसाचा सरासरी खर्च १ हजार ८०० ते २ हजार रुपये इतका आहे. २०१८ मध्येही सलमानला असाच एक घोडा आवडला होता. २०१८ मध्ये, सूरत जवळच्या ओलपाड शहरात राहणाऱ्या सिराज खान पठाण यांचा सहा वर्षांचा घोडा सकाब याला विकत घेण्यासाठी सलमान उत्सुक होता. त्याने बोलणी करण्यासाठी सिराज यांच्याकडे एका एजन्टला पाठवलं. यासोबतच सकाबसाठी सलमानने दोन कोटी रुपये देऊ केले. पण सिराज खान यांनी आपला घोडा विकण्यास नकार दिला होता. सकाब या घोड्याची जी प्रजाती आहे त्याचे फक्त आणखी दोनच घोडे या जगात आहेत. त्यात एक घोडा कॅनडामध्ये आहे तर दुसरा घोडा अमेरिकेत आहे. दुर्मिळ घोडा असल्यामुळे सलमानला सकाब हवा होता. सकाबचं वैशिष्ट्य म्हणजे तो ४३ किलोमीटर वेगाने कुठेही उडी न मारता अगदी शिताफीने धावू शकतो. त्यामुळे घोडेस्वारी करताना रायडरला कोणतीही अडचण येत नाही.
from Marathi Bollywood News, Marathi Cinema News https://ift.tt/3beIClD
