मुंबई- बॉलिवूड अभिनेत्री सोशल मीडियावर प्रचंड सक्रिय असते. चाहते तिच्या अभिनयाचे दिवाने तर आहेतचं, शिवाय सोशल मीडियावरील तिचे फोटोही चाहत्यांच्या पसंतीस पडत असतात. अवघ्या काही मिनिटांत तिचे फोटो आणि व्हिडिओ व्हायरल होतात. आता साराने तिच्या इन्स्टाग्राम स्टोरीवर एक फोटो शेअर केला आहे, ज्यामुळे तिच्या चाहत्यांमध्ये वेगळीचं चर्चा रंगली आहे. साराने शेअर केलेला फोटो तिचा स्वतःचा नसून एका अनोळखी व्यक्तीचा आहे, जो पाठमोरा उभा आहे. फोटोमध्ये त्या व्यक्तीचा चेहरा दिसत नसल्याने तिने त्यावर ओळखा बरं हा कोण आहे? असं कॅप्शनही लिहीलं आहे. फोटोतील व्यक्तीचं शरीर अत्यंत फिट दिसत असून त्याचे केस कुरळे आहेत. तो फोटो पाहून चाहत्यांनी हा एखादा अभिनेता असावा असा अंदाज लावला. चेहरा दिसत नसल्याने त्या व्यक्तीबद्दल चाहत्यांमधली उत्सुकता अजूनच वाढली. त्याने लाल रंगाचं टी-शर्ट घातलं होतं आणि त्यावर 'IGGY 7' असं लिहीलेलं. काही जणांनी आपला अंदाज वर्तवनात हा कोणताही अभिनेता नसून साराचा भाऊ इब्राहिम अली खान आहे असं म्हटलं. तर, काही चाहते साराच्या अफेअरची चर्चा करताना दिसले. साराच्या या पोस्टवर चाहते त्यांचे अंदाज लावत असले तरी तो नक्की कोण आहे हे साराशिवाय दुसरं कोणीच सांगू शकत नाही. यापूर्वीही सारा आणि दाक्षिणात्य सुपरस्टार विजय देवरकोंडा यांचा फोटो सोशल मीडियावर वायरल झाला होता. तो फोटोही साराने तिच्या इन्स्टाग्राम स्टोरीवर शेअर केला होता. त्या क्षणाला साराने विजयसोबतचा फोटो शेअर करताना त्याला 'फॅन मुमेन्ट' म्हटलं होतं. दरम्यान, सारा 'कुली नं १' मध्ये दिसली होती. ती लवकरच अक्षय कुमार आणि धनुष यांच्या 'अतरंगी रे' या चित्रपटात झळकणार आहे.
from Marathi Bollywood News, Marathi Cinema News https://ift.tt/2ZwsMxC
