जून २०१८ मध्ये आलेल्या दिग्पाल लांजेकरच्या '' चित्रपटाच्या निमित्तानं मराठीच्या पडद्यावर ऐतिहासिक चित्रपट मोठ्या प्रमाणावर येऊ लागल्याची चर्चा आहे. २०१९ मध्ये 'हिरकणी' आणि 'फत्तेशिकस्त' या चित्रपटांनाही प्रेक्षकांकडून भरभरून प्रतिसाद मिळाला. ऐतिहासिक चित्रपटांना मिळणारी प्रेक्षकपसंती पाहता, येत्या वर्षातही असे बरेच चित्रपट प्रेक्षकांच्या भेटीला येत आहेत. इतिहासप्रेमी प्रेक्षकांना मोठ्या पडद्यावर आपला हा वैभवशाली इतिहास पुन्हा एकदा पाहण्याची ही अनोखी संधी असेल. 'फर्जंद' सिनेमाच्या निर्मितीवेळी दिग्दर्शक दिग्पाल लांजेकरने शिवकालीन कथानक असलेल्या आठ चित्रपटांची घोषणा केली होती. यातील दुसरा 'फत्तेशिकस्त' हा सिनेमा २०१९ मध्ये प्रदर्शित झाला. आता दिग्पालचा '' हा बाजीप्रभू देशपांडे यांच्या पराक्रमावर आधारित सिनेमा प्रदर्शनासाठी तयार आहे. अभिनेता-दिग्दर्शक प्रवीण तरडेचा 'सरसेनापती हंबीरराव' हा सिनेमाही प्रदर्शनासाठी तयार आहे. या चित्रपटात स्वतः प्रवीण तरडे हंबीररावांच्या भूमिकेत आहे. तर अभिनेता गश्मिर महाजनीनं छत्रपती शिवाजी महाराजांची भूमिका साकारल्याचं कळतंय. दिग्दर्शक राहुल जाधवदेखील 'छत्रपती ताराराणी' या चित्रपटावर काम करतोय. लवकरच या सिनेमाच्या चित्रीकरणाला सुरुवात होणार आहे. या सिनेमात अभिनेत्री सोनाली कुलकर्णी ताराराणी यांची भूमिका साकारत आहे. 'आणि डॉ. काशिनाथ घाणेकर' सिनेमाचा दिग्दर्शक अभिजीत देशपांडे शिवकालीन तीन सिनेमे करणार आहे. यातील पहिला चित्रपट बाजीप्रभू देशपांडे यांचा पराक्रम, त्यांनी दिलेली प्राणांची आहुती यावर आधारित आहे. 'पावन खिंड' या सिनेमातून तो इतिहास पडद्यावर जिवंत होणार आहे. सध्या या चित्रपटाचं चित्रीकरण सुरू असून यात अभिनेता शरद केळकर मुख्य भूमिकेत असल्याचं कळतंय. टीव्हीवर छत्रपती शिवाजी महाराजांच्या भूमिकेत आपला ठसा उमटवणारे अभिनेते डॉ. अमोल कोल्हे यांनीदेखील त्यांच्या आगामी तीन ऐतिहासिक सिनेमांची घोषणा गेल्या वर्षी केली होती. यात 'शिवप्रताप वाघनखं', 'शिवप्रताप गरुडझेप' आणि 'शिवप्रताप वचपा' यांचा समावेश आहे. तर अभिनेता रितेश देशमुख आणि दिग्दर्शक नागराज मंजुळे छत्रपती शिवाजी महाराजांच्या जीवनावर आधारित महागाथा करणार आहेत. यात 'शिवाजी', 'राजा शिवाजी', 'छत्रपती शिवाजी' असे तीन सिनेमे असतील. त्याचप्रमाणे दिग्दर्शक रवी जाधवदेखील 'बाल शिवाजी' चित्रपटावर काम करत असल्याचं कळतंय. इतिहासावर कोण्या एका व्यक्तीची मक्तेदारी नाही. त्यामुळे चित्रपटांच्या निमितानं पडद्यावर इतिहास जिवंत होणार असेल, तर चांगलंच आहे. परंतु, हा इतिहास सिनेमात मांडताना मूळ इतिहास दिग्दर्शक, लेखकानं जपणं महत्त्वाचं आहे. मी ऐतिहासिक सिनेमे केले आहेत. मला टीकेचा सामना करावा लागला नाही; कारण इतिहासात नसलेल्या गोष्टी मी चित्रपटात दाखविल्या नाहीत. आपल्या इतिहासात भरपूर नाट्यमय घटना आहेत; त्यामुळे आपण त्यात आणखी चार गोष्टी घालून, त्याचा अतिरेक करण्याची गरज नाही. इतिहास हा आपल्यासाठी केवळ विषय नाही, तर भावभावनांशी जोडलेला आणि जगण्याचा मूळ पाया आहे. - , दिग्दर्शक आगामी ऐतिहासिक सिनेमे
- सरसेनापती हंबीरराव,
- पावन खिंड
- छत्रपती ताराराणी
- जंगजौहर
- शिवाजी
- राजा शिवाजी
- छत्रपती शिवाजी
- शिवप्रताप वाघनखं
- शिवप्रताप गरुडझेप
- शिवप्रताप वचपा
- बाल शिवाजी
from Marathi Bollywood News, Marathi Cinema News https://ift.tt/3ugue52
