मुंबई- आणि आलिया भट्टचा एक व्हिडिओ समोर आला आहे. यात दोघंही मध्यरात्री १ वाजता यांच्या घरून पार्टी करून निघाले. ही पार्टी रणधीर कपूर यांच्या वाढदिवसानिमित्त ठेवण्यात आली होती. मात्र आता या पार्टीमुळेच सोशल मीडियावर आलिया आणि रणबीर दोघांनाही मोठ्या प्रमाणात ट्रोल केलं जात आहेत. रणधीर कपूर आज त्यांचा ७४ वा वाढदिवस साजरा करत आहेत. त्यांचा वाढदिवस साजरा करण्यासाठी संपूर्ण कुटुंब एकत्र जमलं होतं. रणबीर आणि आलियाही यावेळी रणधीर यांच्या घरी पोहोचले होते. काही दिवसांपूर्वी राजीव कपूर यांचं निधन झालं. त्यांचा मृत्यू कुटुंबातील सदस्य इतक्या लवकर कसे विसरू शकतात असा प्रश्न यावेळी त्यांना विचारण्यात आला. अलीकडेच ९ फेब्रुवारी रोजी रणधीर कपूर यांचा धाकटा भाऊ राजीव कपूर यांचं हृदयविकाराच्या झटक्यानं निधन झालं. त्यांना जाऊन काही दिवसही लोटले नाहीत आणि कपूर कुटुंबात पार्टी सुरू झाल्याचा संताप लोकांना आला. सोशल मीडियावर एका युझरने लिहिले की, 'किमान १२ दिवस तरी थांबायचं होतं.' अजून एकजण म्हणाला, 'काका मरण पावले आणि पार्टी सुरू झाली.' हे लोक वाढदिवस कसा काय साजरा करू शकतात असा सवालही लोकांनी यावेळी केला. तर वर्षभरात घरात दोन मृत्यू झालेले असतानाही हे पार्टीमध्ये व्यग्र असल्याचं पाहून लोकांनी तीव्र नाराजी व्यक्त केली. हे लोक खरोखरच किती स्वार्थी आहेत असंही काहींनी म्हटलं. या व्हिडिओमध्ये आलिया आणि रणधीर पहिल्यांदा घराच्या आत जाताना दिसले आहेत आणि नंतर ते दोघेही तिथून मध्यरात्री एकत्र बाहेर येताना दिसत आहेत. पार्टीतून घरी जाताना दोघंही एकाच कारमध्ये बसून तिथून निघताना दिसतात.
from Marathi Bollywood News, Marathi Cinema News https://ift.tt/3rYGMfp
