मुंबई- बॉलिवूडमध्ये स्वतःच्या अभिनयाचा ठसा उमटवलेली अभिनेत्री हिचा पती मागील काही दिवसांपासून चर्चेत आहे. नेहमीच त्याचं नाव कोणत्या ना कोणत्या आरोपामुळे किंवा अन्य काही कारणांमुळे चर्चेत असतो. याआधीही राजवर आयपीएलमध्ये सट्टा लावल्याचा आरोप करण्यात आला होता. राजस्थान रॉयलचा मालक असलेला राज याने मान्य केले होते की, त्याने सट्टा लावला होता. राज एक व्यावसायिक असून परदेशात त्याचं खूप नाव आहे. असं असूनही भारतात त्याला अभिनेत्री शिल्पा शेट्टीचा पती म्हणून ओळखतात. एक मुलाखतीत राजने सांगितलं होतं की, 'आता मी जसं आरामदायी आयुष्य जगत आहे माझं बालपण त्याहून अगदी उलट होतं. आता माझ्याकडे अनेक गाड्या आहेत पण बालपणी ते एक स्वप्न वाटायचं.' एक मध्यमवर्गीय कुटुंबात जन्मलेल्या राज यांना त्यांच्या आई वडिलांनी अत्यंत हलाखीचे दिवस सोसून मोठं केलं. लहानपणापासूनच राजला पैशाची किंमत कळली होती. वयाच्या १८ व्या वर्षी त्याचे वडील त्याला म्हणाले, 'आपलं हॉटेल सांभाळ नाहीतर स्वतःचं काहीतरी सुरु कर.' ही गोष्टीला लक्षात ठेवून राजने त्याचा प्रवास सुरु केला. खिशात थोडेसे पैसे घेऊन राज दुबईला गेला. हिऱ्याच्या व्यापाऱ्यांना भेटला पण काम झालं नाही. त्यानंतर तो नेपाळला गेला. काही पश्मिना शाली खरेदी केल्या आणि त्यांना ब्रिटनच्या एका ब्रॅण्डेड दुकानातर्फे विकायला सुरुवात केली. जितका व्यापार वाढला त्याबरोबर स्पर्धाही वाढली. त्यामुळे तो पुन्हा दुबईला गेला आणि हिऱ्याचा व्यापार सुरु केला. त्यानंतर त्याने मागे वळून पाहिले नाही. २०२० मध्ये त्याने मुंबईत एक हॉटेलही सुरु केलं आहे.
from Marathi Bollywood News, Marathi Cinema News https://ift.tt/3pfFdbq
