मुंबई: बॉलिवूडमध्ये काम मिळवण्यासाठी प्रत्येक कलाकाराला स्ट्रगल करावा लागतो. अनेक वर्ष छोटी कामं करून मग कुठे नशीब साथ देतं आणि ते कलाकार यशाची पायरी चढतात. पण हा नियम फक्त बाहेरून येणाऱ्या कलाकारांसाठी लागू होतो, असं अनेकांचं म्हणणं असतं. कलाकारांच्या मुलांना बॉलिवूड सहज सामावून घेतं. करण जोहरला तर यासाठी सगळ्यांच्या रोषाचा सामना करावा लागतो. सुशांत सिंह राजपूतचा मृत्यूही घराणेशाहीमुळेचं झाला होता, असं अनेक प्रेक्षकांचं म्हणणं होतं. त्यात अनन्या पांडेला मिळालेल्या फिल्मफेअरमुळे प्रेक्षकांचा बॉलिवूडच्या अवॉर्ड प्रक्रियांवरून विश्वास उडाला होता. अशातच, अभिनेत्री यांनी एका मुलाखतीत घराणेशाहीवरील त्यांचं मतं मांडलं. माझ्या मुलीनेही स्ट्रगल केला आहे, असं त्या म्हणाल्या. सुप्रिया नवीन मालिका घेऊन लवकरच प्रेक्षकांच्या भेटीला येणार आहेत. त्यासंदर्भात बोलताना त्यांनी हे वक्तव्य केलं. त्यांची मुलगी श्रिया पिळगावकर हिच्याबद्दल सांगताना त्या म्हणाल्या, 'कलाकारांच्या मुलांना ओळखीमुळे काम मिळतं हे काही अंशी खरं आहे आणि त्यामध्ये त्या मुलांची काहीही चूक नसते. कुठल्या घरात जन्म घ्यायचा हे त्या बाळाच्या हातात नसतं. परंतु, मिळालेल्या संधीचा फायदा करून घेणं हे मात्र त्यांच्या हातात असतं. त्यांनी मिळालेल्या संधीचं सोनं केलं पाहिजे, तसं झालं नाही तर प्रेक्षक त्यांना नाकारतात. मग कितीही मोठी ओळख असली आणि किती प्रमोशन केलं तरी प्रेक्षक तुमचे चित्रपट पाहत नाहीत. माझ्याही मुलीला बराच स्ट्रगल करावा लागला आहे आणि ती अजूनही स्ट्रगल करते आहे. मला वाटतं मिळणारं काम कसंही मिळतंच आणि न मिळणारं कामं कोणत्याही कारणाने हातातून निघून जातं. हे सर्व नशिबावर अवलंबून आहे.' श्रिया सध्या अनेक वेबसीरिजमध्ये तिचं नशीब आजमावताना दिसतेय.तसेचं ती 'मिर्झापूर' या वेबसीरिजमध्ये झळकली होती. तिने 'फॅन' या चित्रपटात शाहरुख खान सोबत काम केलं आहे. प्रेक्षक तिच्या अभिनयाचं कौतुकही करतात. घराणेशाहीवरुन फुटणाऱ्या या वादावर सुप्रिया यांनी त्यांच्या मुलीची बाजू स्पष्टपणे मांडली आहे.
from Marathi Bollywood News, Marathi Cinema News https://ift.tt/3atUvF7
