मुंबई- छोट्या पडद्यावर 'तारक मेहता का उल्टा चश्मा' या कार्यक्रमाची प्रचंड लोकप्रियता आहे. या कार्यक्रमातील प्रत्येक कलाकाराला प्रेक्षक घरातील सदस्य मानतात. कार्यक्रमातील '' हे पात्र साकारणाऱ्या यांनाही प्रेक्षक तेवढंच प्रेम करतात. पण दिलीप यांचा इथपर्यंतचा प्रवास सोपा नव्हता. कधीकाळी ते पडद्यामागील कलाकार म्हणूनही काम करायचे ज्याचे त्यांना दिवसाचे ५० रुपये मिळायचे. गुजराती नाटकात काम केलेले दिलीप 'मैने प्यार किया' मध्ये नोकर रामू आणि 'हम आपके है कौन' मध्ये भोला प्रसादच्या भूमिकेत दिसले होते. असं असूनही ते जेव्हा इण्डस्ट्रीमध्ये काम मागण्यासाठी जायचे तेव्हा त्यांना टाळलं जायचं. सब टीव्ही वर प्रसारीत होणारा 'तारक मेहता का उल्टा चश्मा' या मालिकेतून 'जेठालाल' म्हणजे दिलीप जोशी आज घराघरात पोहोचला आहे. या मालिकेच्या आधी जवळपास दीड वर्ष त्यांच्याकडे कोणतंही काम नव्हतं. तेव्हा त्यांना अनेक अडचणींचा सामना करावा लागला होता. दिलीप यांनी दिलेल्या मुलाखतीत म्हटलंय की, सलमान खान आणि शाहरुख खान यांच्यासारखे मोठे कलाकार दिलीप यांना जवळून ओळखू शकले कारण ते त्यांच्या चित्रपटाचं प्रमोशन करण्यासाठी त्यांच्या मालिकेत यायचे. दिलीप यांना इण्डस्ट्रीच्या लोकांनी मदत केली नसली तरी, त्यांनी मात्र अनेकांना भूमिका मिळवून देण्यात नेहमी मदत केली. जेठालाल आणि बबितामधील केमिस्ट्री प्रेक्षकांच्या पसंतीस पडते. त्या बबिताजीसुद्धा दिलीप यांच्यामुळे कार्यक्रमाचा भाग होऊ शकल्या. दिलीप यांनी कार्यक्रमाच्या निर्मात्यांना मुनमुन दत्ता यांना ती भूमिका देण्याची विनंती केली होती. १३ वर्ष या मालिकेचा भाग असणारे दिलीप यांच्या पत्नीचं नाव जयमाला जोशी आहे. त्यांच्या लग्नाला २० वर्षांपेक्षा जास्त कालावधी झाला आहे. दिवसाला ५० रुपये मानधन घेणारे दिलीप आता मालिकेच्या एका भागाचे जवळपास १.५० लाख रुपये घेतात. ते मालिकेतील मुख्य कलाकार असल्याने त्यांचे मानधन सगळ्यात जास्त आहे.
from Marathi Bollywood News, Marathi Cinema News https://ift.tt/3d4DS4O
