मुंबई- सध्या ज्या घरात भाड्याने राहत आहे त्याच्या भाड्याच्या रकमेमुळे ती चर्चेत आली आहे. हे घर दुसर्‍या कोणाचं नसून बॉलिवूडची देसी गर्ल अभिनेत्री प्रियांका चोप्राचं आहे. काही कामानिमित्त जॅकलिन ऑक्टोबर २०२० मध्ये प्रियांकाच्या या घरात राहायला लागली. यासाठी ती प्रियांकाला नियमीत भरगच्च भाडंही देत आहे. तिने हे घर तीन वर्षांसाठी भाड्याने घेतल्याचं कळत आहे. पण आता भाड्याने घेतलेल्या या घराबद्दल एक धक्कादायक बातमी समोर येत आहे. असं म्हटलं जात आहे की या घरासाठी जॅकलिन प्रियांकाला दरमहा ६.७८ लाख रुपये देत आहे. वास्तविक प्रियांकाचं घर जुहूमधील प्रमुख ठिकाणी आहे आणि इथे उपलब्ध असलेल्या खास सुविधांमुळे या घराचं भाडं इतकं महाग आहे. रिपोर्टनुसार, जॅकलिन जुहूच्या कर्मयोग सीएचएस बिल्डिंगच्या चौथ्या आणि पाचव्या मजल्यावर राहते आणि ३ ऑक्टोबर २०२० रोजी इथे राहायला आली. भाड्याच्या बाबतीत, जॅकलिन तीन वर्षांत प्रियांका चोप्राला २ कोटी ४४ लाख ८ हजार रुपये भाडं देणार आहे. पण तीन वर्षानंतर, जॅकलिन या अपार्टमेन्टमध्ये राहणार की नाही हे आत्ताच सांगता येणार नाही. पण जॅकलिन देत असलेल्या भाड्याची चर्चा सध्या बी- टाउनमध्ये आहे. जॅकलिन फर्नांडिसच्या आगामी सिनेमांबद्दल बोलायचं झालं तर ती सध्या राजस्थानमध्ये होत असलेल्या 'बच्चन पांडे' सिनेमाच्या चित्रीकरणात व्यग्र आहे. यासोबतच ती ‘सर्कस’ सिनेमाचंही चित्रीकरण करत आहे. सध्या तिच्या 'भूत पोलिस' आणि 'सर्कस' या दोन सिनेमांची चाहत्यांमध्ये मोठ्या प्रमाणात चर्चा आहे.
from Marathi Bollywood News, Marathi Cinema News https://ift.tt/2ZxR2z8
